鄭希怡Yumiko護送醉老公

Yumiko（鄭希怡）前晚與丈夫梁學儲（Andy）結伴中環夜蒲，兩公婆玩至凌晨二時多始盡興離開，Andy步出夜店時仍拿著啤酒，似乎酒意甚濃，Yumiko即做柴可夫司機護送老公回家，她急步奔向停泊在附近的座駕，笑容滿面地坐上司機位，並叫老公快上車，如此貼心，難怪Andy冧爆笑曬。

Alan與未婚妻Sally蒲完去茶記嘆消夜。

至於另一對即將結婚的樂隊Mr.主音Alan與有米未婚妻Sally，前晚亦拍拖到中環與友人消遣，一行人坐在露天位置飲酒吹水，飲完酒之後再拉隊到附近茶餐廳醫肚，食飽離開時Alan熱情地搭住Sally膊頭，恩愛地邊行邊傾，打的離開。

鄭希怡孖老公Andy（右）夜蒲，Andy飲到啤啤夫，她做司機車老公返歸。
from:http://orientaldaily.on.c ... /00282_017.html

人妻鄭希怡（Yumiko）近日變成大忙人，既要宣傳新碟又要打理網上時裝生意，新婚未夠一年經已「冷落」老公梁學儲（Andy），Yumiko笑言：「叫佢忍下啦！」

現時Yumiko身兼兩職，宣傳新碟又要管理生意。

上月補擺完喜酒的Yumiko，現收拾新婚心情為新碟宣傳。早前Yumiko為新歌《花球寄語》的MV親自構思，收集去年在蘇梅島舉行結婚派對的照片，再精心炮製成MV。她謂：「我係向當日有份去嘅朋友收集番啲相，事隔都有十個月，所以要收集都唔容易。要『請求』幾次，啲朋友先記得做，大大話話都收到四、五千張，都幾多o架。」Yumiko表示這個構思最能配合歌曲內容，亦順道送給自己一次最難忘、最美麗的婚禮紀錄。

滿意業績
Yumiko最近宣傳新碟之餘，又要分身打理她的網上時裝生意。她坦言比想像中花更多精力和時間，在公司每日要處理不同問題、嘗試實行構思，更由不懂計數進展到成盤數自己打骰，大嘆終於體會到做生意是毫不簡單。網店現時開業四個月，身為老闆的Yumiko大表滿意：「剛過咗試用期啦！（成績如何？）業績好滿意，要加佢哋人工先！」

只顧做女強人的Yumiko坦承冷落了新婚老公，希望老公等一等。

Yumiko新歌MV收集過千婚照，當做婚禮紀錄。

問到只顧做女強人可會冷落了老公？Yumiko笑言：「都有o架，依家對住部電腦多過對住佢！（結婚未夠一年喎？）忍多一陣啦，等盤生意上咗軌道就得，好快嘅。（上完軌道就專心造人？）呢方面我哋都有共識，未有造人打算。」（意外好難預計？）Yumiko則抵死自嘲：「講意外嘅嘢，我真係唔敢講。大家都知我幾多意外發生啦，希望呢樣唔會啦。」

文：音樂組

服裝：whysocool
From:http://orientaldaily.on.c ... /00282_087.html