乳名梁浸浸鄭希怡Yumiko誕5.5磅女

1^# 大中小 young 發表於 2015-4-10 16:06 發短消息

鄭希怡（Yumiko）噚日朝喺港安醫院為化妝師老公梁學儲生BB女，據知佢今次係擇日開刀。Yumiko噚晚大約7點半左右，喺facebook上貼上BB下半身包住尿片嘅相，喺張相嘅角落頭清楚見到印有港安字樣嘅毛毯放喺床上。喺佢發相短短十幾分鐘後已經有60幾個「like」。

不過佢為咗保持神秘感，暫時未公開B女個樣，相信多少都由於媽咪Yumiko貪靚，要等兩母女變番靚啲先可以現身。

至於Yumiko噚日講番囡囡出世時話：「BB今朝出世，5.5磅，成個過程好順利，亦都好感動，學習點做媽咪。」而Yumiko就笑住話B女叫做「梁浸浸」，因為噚日涼涼哋。

Yumiko早前公開大肚照。

物色臍帶血血庫

另外，前日Yumiko喺fb表示已經為BB女物色到一間可以儲存臍帶血嘅血庫，為BB嘅將來以防萬一，最特別嘅地方係嗰間血庫嘅資料係由未有亦不打算生小朋友嘅伍詠薇提供。

撰文：馮仁昭

馮仁昭
from:http://hk.apple.nextmedia ... 150409/19105411

廷伸閱讀/相關主題推介:

相關主題:Yumiko 鄭希怡

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-4-10 16:17 發短消息

「掛到成晚瞓唔到」Yumiko初生B女入ICU

Yumiko前日在港安誕下5.5磅B女，BB出世半日即被送到公立醫院ICU，她昨想外出探望卻不獲醫生批准。資料圖片
現年33歲的鄭希怡（Yumiko）初為人母，前日在港安醫院誕下5.5磅女兒梁浸浸（乳名），怎知BB出世不足24小時，前晚在爸爸梁學儲陪同下由救護車轉送公立醫院，昨仍留港安休養的Yumiko直認B女現於ICU，囡囡甫出世即骨肉分離，Yumiko掛念到整夜失眠，昨想外出探望心肝寶貝，可惜不獲醫生批准！

鄭希怡和化妝師梁學儲於去年9月在香港註冊兼擺酒，Yumiko於11月宣佈懷孕3個多月，前日兩夫婦分別在社交網貼B女腳仔相，宣佈囡囡出世了，重5.5磅，因前日天氣涼笑言B女乳名叫梁浸浸。然而，B女在港安醫院出世短短半日，前晚約10時梁學儲被發現陪囡囡由救護車送往公立醫院，記者致電Yumiko了解，但她沒有接聽電話。

昨凌晨2時半，經理人霍汶希（Mani）聯絡了Yumiko回覆：「放心，Yumiko剛覆：BB觀察緊，暫無大礙。」昨早8時許，Yumiko透過Mani表示：「現在BB在ICU，希望快些出來。」她透露因原本的醫院，沒有BB需要的專業儀器，所以轉往公立醫院。

Yumiko前日剖腹誕下女兒，在fb貼囡囡腳仔相。

阿Sa昨晚收工後趕到醫院探Yumiko，她表示BB情況OK。

阿Sa祖兒現身探望

初為人母的Yumiko跟囡囡骨肉分離兩間醫院，據知前晚徹夜難眠，甫生完BB倦極的她，半夜2時許仍睡不着，超掛念囡囡的Yumiko，昨產後翌日即申請外出見心肝寶貝，可惜不獲醫生批准，令她十分失望！老公在公立醫院照顧囡囡，Yumiko的父母就留在港安陪女兒，剖腹生女的她估計尚要兩三日才能出院見囡囡。

昨好友谷祖琳、黃伊汶（Emme）、前經理人Kitty媽等到醫院探訪Yumiko，小谷帶產婦咕𠱸送給她，Emme就攜鮮花和寫住「Baby Girl」的氣球。而Kitty媽探完Yumiko後離去說：「佢心情好好，好健康好開心，佢話BB去咗第二間醫院瞓箱仔，佢冇擔心，因為我同佢講嗰時我個仔都係咁，佢即刻安心晒。」

蔡卓妍（阿Sa）和容祖兒到達醫院探Yumiko，阿Sa說：「有電話聯絡，全部人好想嚟探佢，但個個都好忙，我都係啱啱收工。」問到知不知BB情況？阿Sa說：「OK呀。」另Emme、小谷和何嘉莉離去時指Yumiko情況OK。

梁學儲：呼吸麻麻哋

近8時梁學儲帶外賣到醫院給老婆，他表示已探BB，問BB點解要入ICU？他說：「呼吸麻麻哋，𠵱家OK，冇乜大礙。」問到BB是否健康、過兩日離開ICU？他都以點頭代答，有否影多些BB相給Yumiko睇？他說：「有。」並透露BB未改中文名，英文名則叫記者問Yumiko。

昨本報致電兒科專科醫生徐傑，查詢BB在甚麼情況下要入ICU，他說：「啱啱出世有好多可能性，包括呼吸唔暢順，或初生嬰兒感染，亦有機會令BB情況轉差，要去政府醫院ICU觀察，呢啲情況好普遍，唔代表好危急。如果瞓得箱唔係太差，都係觀察一兩日轉去初生嬰兒病房。」

採訪、攝影：吳耀輝、黃曉程

梁學儲昨晚到醫院探老婆，他表示BB呼吸麻麻，但沒有大礙。

前經理人Kitty媽指Yumiko好精神，還親為她在病房內拍照。
from:http://hk.apple.nextmedia ... 150410/19106871

TOP

3^# 大中小 young 發表於 2015-4-12 16:12 發短消息

請假探BB滿面憂心Yumiko又笑又喊：囡囡有進步

【神情擔憂】

心急如焚去探BB的Yumiko在七人車內木無表情。

鄭希怡（Yumiko）大前日弄瓦之喜誕下乳名「梁浸浸」5.5磅重的囡囡，不過當晚B女由港安醫院轉送到東區醫院的兒童及新生嬰兒ICU，據老公梁學儲（Andy）透露BB的呼吸麻麻。因為Yumiko剖腹生產，所以未能即時出院探望BB，但愛女心切的Yumiko昨日下午2時由老公Andy及助手陪同下，頭戴冷帽及口罩，身穿長衫密不透風離開港安醫院。

老公開路護駕

由於當時下着毛毛細雨加上她傷口未完全癒合，所以每一步都行得很慢，精神雖然不俗，但神情凝重難掩傷感之情。老公一面為Yumiko開路護駕，另一方面又提醒記者小心，之後他們乘七人車離開。七人車大概半小時後到達東區醫院，Yumiko緩緩下車和老公慢步進入醫院大堂等電梯。

【老公護駕】

Yumiko昨由老公梁學儲陪同下離開港安醫院，前往東區醫院探囡囡。

【回復笑容】

探完BB後兩公婆笑個不停。

等候期間Yumiko被問到身體狀況時僅點頭示意，但再問到囡囡肺部是否出現問題時，Yumiko繼續點頭，但已見到眼有淚光。臨入電梯前Yumiko以微弱的聲音說：「唔該晒。」Yumiko事前已透過助手表示不會接受訪問，一切會留待今日出院再談。

回復笑容受訪

Yumiko和老公在ICU逗留一小時後離開，神情顯然輕鬆了很多，更回復笑容，心情轉好的Yumiko今趟主動接受訪問，她說：「今日終於鬆番口氣，頭先醫生話BB好咗好多，開始有進步，好多謝大家呢幾日祝福同關心。」言談間Yumiko表現得很感觸，再問到目前感受時，她的聲音已變得哽咽說：「終於體驗到為人父母緊張同牽掛。」被問到是否為BB哭了很多遍時，她沒有正面回應說：「唉！希望大家所有BB都身體健康。如果BB繼續進步，希望盡快出院。」她又感激這幾天老公的照顧及看護，而自己開刀的傷口已經不痛。稍後Yumiko和老公乘七人車回到港安醫院，兩人心情明顯更輕鬆，對記者的提問亦笑笑口點頭，他們全程保持笑容返回病房，Yumiko則將照原定計劃今日出院。

採訪：卓寶花、馬建華
攝影：陳俊強、仇志德

Yumiko懷孕期間一直有將近照放上網分享。

資料圖片

Yumiko於大前日在fb貼囡囡腳仔相。資料圖片

當年英皇力捧的小花3T都已成為人妻，劉思惠和鄭希怡更於去年及大前日升級做媽媽。資料圖片

梁漢文昨表示希望好友鄭希怡母女健康。

【全城祝福】梁漢文網友齊打氣

梁漢文昨日到商台宣傳新碟時，談到好友鄭希怡的囡囡「梁浸浸」正於東區醫院的兒童及新生嬰兒ICU留醫，他表示暫時不便打擾她，以他所知BB女沒問題，大家可以放心，希望她母女都健康。

另外，亦有媽媽級網友，於網上留言送上祝福，為她們兩母女打氣。網民NG Rozitaaa特別在Yumiko的facebook留言說：「唔好太擔心，我女出生嗰時就係因為呢個問題，即刻入咗ICU……隔咗一陣就冇事㗎喇，醫生都話，BB喺我肚度住慣咗，出到嚟未習慣『換新方式呼吸』。放心初生BB乜嘢情況都會有，適應番就OK㗎喇！」

採訪、攝影：溫敏芝
from:http://hk.apple.nextmedia ... 150411/19108094

TOP

4^# 大中小 young 發表於 2015-4-12 16:23 發短消息

囡囡肺積水有改善Yumiko返家學泵奶

Yumiko獲醫生批准出院後，昨日已秘密返家休息。　資料圖片
鄭希怡（Yumiko）上周三在港安醫院剖腹誕下5.5磅女兒梁浸浸（乳名），豈料BB出世不足24小時就要放進氧氣箱送往公立醫院ICU病房，初為人母的Yumiko懇求醫生批准其外出探望初生女兒，終於前日在老公梁學儲陪同下，前往東區醫院探囡囡，原來囡囡是肺積水，經過治療，情況已好轉，而Yumiko昨日就秘密出院回家休息了。

剛出生的梁浸浸有肺積水情況，要送往東區醫院嬰兒ICU病房醫治。

Yumiko前日在老公梁學儲陪同下，前往東區醫院探望囡囡。　資料圖片
B女料留院一周

Yumiko剖腹誕下囡囡梁浸浸後，醫生已發現其女兒有氣促情況，所以要把她放進氧氣箱，後來因情況未見好轉，院方為其檢查始發現是肺積水，為安全起見，主趁醫生建議把BB女送往設備較完善的東區醫院嬰兒ICU病房接受醫治。

一直擔心女兒情況的Yumiko翌日已要求去醫院探囡囡，但醫生認為其狀態還未可以出院，直至前日才批准外出，當Yumiko看到女兒剛出世就要插喉的樣子，就忍不住流淚起來。

初生嬰兒出現肺積水並不罕見，Yumiko是剖腹產子，BB沒有經過自然分娩程序，有部份BB可能未及反應，自行將肺部胎水排出，故才會出現肺積水情況，經院方悉心治療後，梁浸浸肺積水情況已改善，預計留院一周就可以出院。

前日探過女兒的Yumiko終於鬆一口氣，乖乖返回醫院休息，而昨早醫生檢查過她的健康情況後已批准出院，之後Yumiko在老公陪同下，秘密出院返家休息。據悉當囡囡稍後出院回家，Yumiko會以人奶餵哺，連日她來已學習泵奶。

經理人霍汶希（Mani）昨日被問到Yumiko是否已出院，她證實說：「今朝已經出院返屋企，噚日佢見咗BB已經放心，心情好咗好多，多謝大家關心。」

採訪：鍾國仁
from:http://hk.apple.nextmedia ... 150412/19109144

TOP

5^# 大中小 young 發表於 2015-4-16 11:57 發短消息

Yumiko金鏈為B女打氣

鄭希怡（Yumiko）嘅B女梁浸浸（乳名）因為呼吸問題，目前仍在東區醫院留醫。Yumiko前日返家坐月，請咗陪月工人照顧，而佢嘅父母亦都返咗香港探兩母女。喺屋企休養嘅Yumiko雖然冇再到醫院，但就喺社交網貼金鏈相為愛女打氣：「我出院先，你乖乖哋，養好身體再出院，呢個係Auntie Sa送畀妳的禮物，妳抖順條氣，返到屋企我就幫你戴。」

撰文：馮仁昭

馮仁昭
from:http://hk.apple.nextmedia ... 150413/19110077

TOP

6^# 大中小 young 發表於 2015-4-16 12:28 發短消息

梁浸浸未出院Yumiko速遞人奶

由於囡囡已逐漸好轉，Yumiko同老公梁學儲都鬆一口氣。資料圖片

鄭希怡（Yumiko）上個星期三喺港安醫院剖腹誕下5.5磅重嘅BB女梁浸浸（乳名）之後，本來佢已經好開心咁喺網上報平安，點知同一日夜半BB女就被發現要放喺氧氣箱、並由爸爸梁學儲陪同下，轉送去東區醫院ICU病房，原來BB女出現肺積水情況，要轉去設備較完善嘅公立醫院醫治。當時剛剛剖腹生產嘅Yumiko因為未能即時出院陪伴愛女，心情一度低落，好彩梁浸浸好叻女，住院至今第8日，經過醫院嘅悉心照料，情況已逐漸好轉。

Yumiko前晚喺微博上載拎住奶泵嘅相。

同親友探囡囡

Yumiko喺上星期六已經出院返屋企坐月，梁浸浸好轉，Yumiko終於鬆一口氣，而且佢都不時同親友去到醫院探望囡囡，原來Yumiko要喺醫院泵人奶畀囡囡，前晚佢就喺微博上載一張拎住奶泵嘅相，佢留言話：「只要妳能健康，我願意。」樽面顯示「鄭列瓊之女」（鄭列瓊為Yumiko原名），母愛真係偉大，Yumiko要加油呀！

撰文：馮仁昭

馮仁昭
from:http://hk.apple.nextmedia ... 150415/19112511

TOP

7^# 大中小 young 發表於 2015-4-21 23:54 發短消息

Yumiko母女拖手連心

Yumiko拖實女兒小手打氣，盡顯溫馨。互聯網圖片

黃偉文（右）與徐濠縈前晚出席Joyce活動。　
剛剛誕下囡囡「梁浸浸」的鄭希怡，因囡囡呼吸有少少問題，目前仍在醫院留醫，昨日Yumiko在fb貼了一張與B女手拖手的相，並留言說：「如果留喺醫院，會令你健康啲話、好，唔急住返屋企，唔急！」

Yumiko的好友黃偉文（Wyman）與徐濠縈前晚在中環出席Joyce時裝活動，他表示：「佢結婚時話要結婚歌詞，我睇吓會唔會寫首歌詞畀BB，咁多年嚟叫我幫BB改名就有，但寫歌詞就真係未試過。我自己都已經幫大堆朋友諗定，好似梁漢文嗰個會叫梁爽、蘇永康要生兩個，一個蘇far，一個蘇good。」，阿徐則大讚梁浸浸係上海靚B。

採訪、攝影：羅慧敏
from:http://hk.apple.nextmedia ... 150418/19116460

TOP