「演唱會之父」張耀榮今年3月猝逝，張生兩房隨即為公司帳目爆發不和，二房女婿鄧偉業因被拖欠七位數字尾數入稟申請耀榮娛樂清盤，獲法庭頒下清盤令。為繼承父業，承傳父親熱愛舞台、為歌手圓夢開騷的遺願及精神，一直獲父親重用的二房女兒張麗芳（Lily）剛成立「永耀娛樂」，頭炮是今年底為已故一代歌王羅文舉行七十歲冥壽紀念演唱會，羅記一班徒弟容祖兒（Joey）、鄭伊健及圈中好友如草蜢等獻聲悼念。
為表達對師傅羅文思念之情，Joey指一定會度期參與紀念騷。
據知「不朽傳奇．舞台上的羅文演唱會」將於十二月十九日假灣仔會展舉行，對師傅的思念從未間斷的容祖兒，當接到邀請即刻答應，祖兒說：「我諗緊返去摷下同師傅一啲合唱畫面或錄影帶，到時同大家分享，我希望係開心感覺去做呢個騷，我知個騷檔期改過，總之無論如何我都一定會度期參與，但歌曲方面則未諗到唱乜。」
「永耀娛樂」懷念父親
張耀榮女兒張麗芳（Lily）昨日在電話中坦言「永耀娛樂」意思是永遠懷念父親，她說：「我永遠係佢女兒，爹哋一直唔肯退休，因為佢真係好鍾意呢行，跟歌手們就好似朋友咁，我知佢心願未了，我會沿用佢教我嘅方法去做，羅文紀念騷係爹哋生前就想搞，可惜佢突然走咗，所以我會繼續幫爹哋做佢想做嘅騷。」對耀榮娛樂被清盤，Lily感到很可惜：「兩邊都係親人，佢哋私底下解決唔到，我做唔到啲乜嘢，行到呢步我都好唔想。」
張耀榮（左）生前曾透露想開羅文紀念騷，相信陳淑芬（右）亦大表贊同。
張麗芳以「永耀娛樂」懷念爸爸張耀榮。
鄭伊健將獻聲悼念羅文。
文：音樂組
From:
http://orientaldaily.on.c ... /00282_032.html
