離巢無綫的林峯與佘詩曼孭飛的新劇《使徒行者》叫好叫座，最高收視達33點，上周五播出阿佘三個「母親」先後被槍殺戲份，兩位主角也被讚表現不俗，相信林峯爭視帝有望！昨日他聯同拍檔阿佘、許紹雄、陳倩揚等為該劇宣傳，坦言有信心入五強，而阿佘亦被網民大讚展示視后級演技！
林峯與阿佘在上周於劇中醫院一幕獲觀眾激讚，二人更被睇好爭視帝視后！
有劇本送上門
而談到有網友大讚上周槍殺戲份精彩，林峯指並非與呂珊、韓馬利等人同步拍攝，他只靠監製指示來幻想完成，對方還被感動得淚流滿面，問到有否信心憑該劇攞視帝？他笑謂：「得到大家認同係開心事，有信心入5強，希望今年仲係公投，咁機會就會大啲。」林峯更指近日劇集效應，引來不少劇本送上門。
而林峯女友吳千語昨日現身活動，回應對方被指演技不及阿佘，她力撐男友謂：「我有睇呢場，自己覺得女仔個情感係要大啲，如果佢（林峯）做到好出面的話就好似有啲怪，因為佢個角色係內斂啲。」
陳敏之、阿佘及高Ling將上演大打出手戲份。
吳千語力撐男友內斂的演技恰當。
而阿佘對於被大讚演繹有層次笑不攏嘴：「嗰場自己都唔敢睇番，拍嗰日都好沉重，其實套劇一開始已經知有呢場戲，依家出嚟觀眾感受到痛已經足夠。（呢套劇攞視后？）入圍名單都未公布。（有信心？）返嚟第一套劇有咁嘅反應已經好開心。」
撐高Ling勤力
談到馬賽舊愛汪子琦比喻阿佘為一煲粥的紅棗，高海寧（高Ling）則是老鼠屎，阿佘聞言即感謝對方捧場，亦力撐高Ling勤力。此外，今周《使》劇結局篇劇情愈來愈緊湊，劇情更有陳敏之、阿佘及高Ling三女大打出手、互扯頭髮戲份。
文：影視組
From:
http://orientaldaily.on.c ... /00282_017.html
