Yumiko怒啤容祖兒學曹植話齋，「本是同根生，相煎何太急！」自從上月尾發生露點事件，容祖兒一直咬住Yumiko 唔放，句句窒，句句金，俾著你係Yumiko ，都嬲到爆火啦！
周日（7月1日），Yumiko 同容祖兒響會展嘅回歸騷碰頭，容祖兒仲繼續寸Yumiko ：「我做足安全措施，最緊要著得靚！」俾師姐醒多
，Yumiko 心情已經唔靚。到響台上影大合照，都唔知係咪有心整蠱，咁啱Yumiko 就企響容祖兒後邊，對住攝影機，Yumiko 梗係笑晒，但一停咗roll 機，Yumiko 立即情不自禁怒啤容祖兒。
咬住唔放
自Yumiko 發生露點事件後，身為師姐嘅容祖兒，不但冇幫手解畫，反而咬住唔放，窒到出面。
6月26日︰乜多倫多冇乳貼賣咩？可能攝影師唔清楚點解有兩撻嘢，所以zoom 埋去睇清楚啲。
7月1日︰我有黐乳貼，打孖添！
乜嘢叫仇人見面分外眼紅，今勻由Yumiko 同容祖兒親身示範。
以Yumiko 響英皇嘅地位，加埋呢排嘅鋒頭，冇理由要靠邊站嘅，到底係邊個唔想邊個企響隔籬呢？
