石天欣模仿不死徐子珊上演「石破天欣」，她坦言終於一嘗做女警滋味，感覺興奮！
現年21歲、在2010年第24期藝員訓練班畢業入行的石天欣，在無線一直擔當小角色，雖然微不足道，但每次被人姦都交足戲，難怪被網友封做「御用被姦女學生」。天欣自知要當上女主角並不容易，日前應本報邀請做一次女主角，扮視後佘詩曼（阿佘）和「不死」徐子珊都演過的女警，天欣雀躍謂：「從來未揸過槍做警察，今次終於大個女！」
撰文：嵐山
【真身子珊】 電視圖片
【加墊狂撻】
天欣在無線磨煉得多，其實百般武藝在一身，更主動提出加軟墊狂跳，要化身不死徐子珊無難度。
石天欣在初出道時，曾被指貌似胡定欣，還試過被歐陽震華（Bobby）認錯是佘詩曼，她說：「之前同Bobby拍劇，食飯時佢突然擰轉頭話『畀你嚇死，以為係阿佘。』」不過，天欣的演藝生涯卻與視後阿佘差天共地，為一嘗做女主角滋味，日前天欣戴上短假髮，穿起黑色皮褸扮阿佘在《使徒行者》的臥底探員丁小嘉，拿起手槍一臉cool樣，可算入型入格，她興奮地說：「好開心今次有呢個機會，我從未演過揸槍角色，因為好多人覺得我個樣太細個，唔似賊仔或警察，今次終於大個女嘞！」
天欣又換上黑西裝化身《神槍狙擊》中的不死徐子珊，模擬她上演一場爆炸後跳出火海的場面，為求逼真，天欣更主動要求用梳化軟墊做「榻榻米」，連續趴地十幾次，不過她坦言只是小兒科：「唔緊要，係無線磨練得多，拍過好多武打場面，我仲試過冇用威吔，只係用四個木箱疊高，再喺上面開餐，跟住又試過俾人綁手綁腳浸豬籠一日，搞到兩邊手瘀曬。」不過最大件事，還是當年拍《仁心解碼II》被李家聲捉上天台強姦一幕，結果弄傷腰骨，她說：「我哋由樓梯下面已經開始拍咗兩次，之後上到天台佢成個人拋起我，我雙腳就好似凌空踏單車咁，同佢鬥力左右反抗，因為要NG多次就唔同角度，最後搞到背部其中一粒骨移位，之後痛到落床抖啖氣都痛，𠵱家好番，但都好似老人家咁風濕痛。」天欣承認安全設施不足，她說：「最尾嗰場將我個頭撼落地下，攝影大佬話點解冇卸力膠？嗰陣又冇人教我用腰封，但埋到位我都要拍，拍完我就成日暈暈地，仲搞到好傷添！」
【形似神似】
天欣穿起黑色皮褸扮阿佘，貌似更神似，近年無線重用港姐出身藝人，今次終於有機會大騷演技。
【臥底阿佘】 電視圖片
【陀槍挑戰】
石天欣（左）初出道被指貌似胡定欣（中），她會視對方為目標，希望越做越好！資料圖片
初出道被讚好
即使被認定為三、四線藝人，從來只是有苦自己知，但天欣仍樂在其中，正因為這原因，當一出道便有機會在《萬凰之王》中飾演胡定欣身邊妹仔彩月，有角色、有對白，對她來說已經是一個好開始：「一路拍，劇本出嚟越來越多戲，要我一次過背三頁紙對白都冇問題。導演都讚我演得唔差，之後好多監製搵我拍劇，每年入5、6個劇組。」
不過近年無線多起用選美出身的女仔做女主角，藝員訓練班出身似乎無望，她說：「其實大家都有啲灰心，相信我繼續留喺TVB，可以做女主角機會都好低，唔知要捱幾多年先有較好角色，要留低繼續做呢行，要有時間同金錢做落去。」她更解釋：「人工咁低好難捱，正常有返工都會出糧畀錢屋企人，但我返工頭一年，每月自己攞番兩千零用，之後就連街都唔敢出，衫亦冇買過一件，因為知道買咗嘢會唔夠使。」是否做part time填補收入，她說：「我都做過派宣傳單、電話訪問、街訪，仲諗過做sales賣衫，但做藝人唔知幾時叫你開工，真係好難搵到多一份正常工。」
捱過會再嘗試
天欣慶幸得家人支持，力撐只要娛樂工作便可。不過眼見出道近五年事業停濟不前，加上人工奀，最終惟有選擇離開，她說：「我離開TVB唔係因為冇女主角做，唔係驚一直做慘角色，而係再留喺度，我驚人工唔夠用。當然，我相信每一個藝員入TVB，都希望終有一日可以做主角，但事實未必得。有人話我離開TVB，『畀個女一你做好冇？』其實我從來冇講過話𠵱家想做女主角，我知自己未得，年紀仲細，人生經歷比較淺，演技亦需磨煉。好似定欣咁捱十幾年，先開始越做越好，做到女配角我都好滿足。」
攝影：林德雄、陳俊強
服裝提供：Dmop
髮型：Faye@HAIR CORNER
From:
http://hk.apple.nextmedia ... 140920/18872115
