黃日華和女兒黃芷晴昨日在灣仔為香港導盲犬協會籌款活動宣傳。今個中秋佳節黃日華與太太及女兒在家吃飯賞月度過，他透露太太病癒後狀態越來越好，最重要保持心境開朗和積極。
屢傳黃日華為太太醫藥費撲水，他否認並說：「有保險金，所以一毫子都唔使畀。」女兒芷晴即幫口說：「只係爸爸近期商演活動多，令人有錯覺啫，媽咪喺屋企都如常，只係冇外出返工，我哋三個各有各忙。」黃日華因接得多內地登台，想帶女兒作父女檔演出，等女兒見識世面，但芷晴則對唱功信心不足，父親即在旁鼓勵說：「學汪明荃話頭，人哋唔係想聽你唱歌，想見嚇你啫，放膽去就得，十年前就係阿姐咁鼓勵我，返咗內地登台。」
採訪、攝影：卓寶花
From:
http://hk.apple.nextmedia ... 140912/18863063
