黃芷晴被嘲借病母上位嬲爆黃美棋放毒針

黃美棋和黃芷晴被視為港視孖寶，經常結伴出活動搵錢，但原來私底下面和心不和！有指美棋BB經常在背後講芷晴壞話，覺得對方靠父蔭，還借母親患病做宣傳，據聞芷晴為此大發雷霆，昨日她在電話中承認有聽聞對方講自己壞話，曾為此事唔開心，但美棋為保形象則矢口否認，並謂：「咁缺德嘅嘢我點敢講？」小花內鬥，頓變羅生門。

一向予人好pure好true的黃美棋最近接連惹是非，有指她犯眾憎，經常見高拜見低踩，又私下接工作令前經理人Chili被炒，美棋在報導出街當日淚眼漣漣以示清白，但晚上出席陳曼娜生日派對卻開心狂歡，被人唱爆好好戲！

「唔知點解咁講」

據一位幕後人員透露，美棋BB向來是獨孤精，與「勁敵」黃芷晴更早傳心病。有指向來受高登仔力捧的美棋自覺憑實力上位，所以一直看不起一班星二代如芷晴、姜麗文（Lesley）、姜文傑、陳宇琛等靠明星父母入行，當中最眼紅芷晴有老竇黃日華事事撐腰，劇集一部接一部，還能經常跟自己一起出席活動。

有人曾見過二人合照時，美棋BB刻意用身體遮住芷晴半邊身，還會藉故攝在中間位，不讓芷晴企正。另一次活動上，有線原欲一起訪問芷晴和美棋，但芷晴正接受文字記者訪問，美棋不耐煩，竟然發𤷪𤺧說：「唔使等佢啦，我自己嚟。」但由於不想斷自己米路，所以兩人一直人前扮老友，私下就面左左。

不過芷晴最忍無可忍，是被美棋說自己借媽媽梁潔華患癌事件周圍宣傳，芷晴覺得受委屈，嬲到爆向身邊人狂呻。芷晴昨日在電話中直認說：「係有聽過，但冇乜所謂。」好嬲？她說：「有啲唔開心，唔知點解會咁講，最重要屋企人健康，其他我唔理。可能係一個誤會，媽咪去年12月尾發生事（患病），但大家都係2月先知，所以冇可能係宣傳，記者朋友問都係關心，我咪照答。」有否質問對方？她說：「咁又唔會。」當冇事發生？她說：「係囉。」她表示未曾聽過美棋說她靠父蔭，但仍澄清謂：「我真係唔知佢有冇咁講過啦，可能真係有人咁覺得，但我真係想靠番自己實力，話畀人聽我係做得到，唔再係靠爹哋幫我。」

【第1宗罪　冷嘲熱諷】

有指黃美棋暗嘲黃芷晴常借母親梁潔華的病情博見報。

資料圖片

【第3宗罪　死霸佔中】

出席活動愛企中間的美棋，被指經常攝位擋人出鏡。

資料圖片

【第4宗罪　隨時變面】

中午見人時仍然淚漣漣訴苦的黃美棋，晚上即笑盈盈出席陳曼娜生日會。

資料圖片
暗示難成好朋友

對於傳被攝位，芷晴哈哈笑說：「我又feel唔到，我高啲企側邊冇所謂，而且我係後輩，佢出道咁耐。」問見面會否尷尬？她說「唔會，私底下冇乜嘢。」芷晴直言與姜麗文較合拍，她解釋：「可能Lesley鬼妹仔，份人熱情咪同人快friend啲，加上我哋住得近會約出嚟食飯，我同美棋可能都係較慢熱。」言下之意似暗示二人難成好朋友。

另一邊廂的美棋昨日離港，她透過短訊否認放毒針，並說：「梗係唔真啦！其實佢媽咪身體唔舒服已經好唔開心，我唔覺得任何一個人會用呢樣嘢做宣傳。加上自己都有媽咪，咁缺德嘅嘢我點敢講。」她強調與芷晴關係冇問題，還將是非轉向港視開台，她說：「可能HKTV快開台，所以呢排好多憑空想像，幫我哋秘密宣傳。」

採訪：魯吉、嵐山
from:http://hk.apple.nextmedia ... 141115/18935413

姜麗文（左）與黃美棋雖然同公司，但工作以外較少聯絡，美棋的前經理人Chili（小圖）則拒評是非。

資料圖片
同屬港視藝人的姜麗文與黃美棋及黃芷晴經常拍檔，問到有否覺得二人不和，她說：「我冇聽過呀，不過我同芷晴比較close，我哋住得好近，我成日都煮嘢畀佢食，所以有見密啲，但係美棋真係好耐冇見，所以唔係好熟，但係我都有keep住睇佢新聞，我見佢啲活動都係好sunshine girl，應該冇變。」至於有否聽聞芷晴為此事不開心？她說：「冇呀，芷晴佢好nice，唔會講人哋壞話，我哋喺埋一齊係食嘢睇吓戲，我哋都係唔鍾意是非！」

至於曾在周刊力數美棋的前經理人Chili，昨日接受電話訪問，提到有否覺得美棋與芷晴有心結時，她說：「冇乜特別喎，美琪自己都講佢慢熱同深閨，唔係好多時約一齊玩，不過始終大家係同一間公司，又係同一條team，實會成日見，呢件事我冇comment。」有指美棋不時作比較，覺得自己比靠父蔭的芷晴做得更好，Chilli則說：「我唔知佢哋細路女有冇比較，始終過咗咁耐，加上我又去咗其他公司，帶緊其他女仔，唔方便講太多以前公司嘅事。」

採訪：張曦彤
from:http://hk.apple.nextmedia ... 141115/18935417

黃芷晴昨回應被黃美棋暗指無風起浪時，顯得有點激動。

近日有傳黃美棋背後唱爆黃芷晴借病母宣傳，美棋前晚在微博指有人「無風起浪」，似在暗示芷晴，昨日又上載敷黑面膜相，揚言要排走毒害。

黃美棋前晚在微博貼敷黑面膜相，揚言要排走毒害，似有所暗示。

昨日芷晴與姜麗文出席尖沙嘴美容中心開幕活動，對美棋所指的無風起浪，芷晴說：「我覺得有啲誤會出現咗，我冇親口聽過佢講，所以選擇唔信。父母唔係太擔心，淨係叫我做好自己，有人覺得我哋靠爹哋（黃日華），不過爹哋係教我做人要有風度。」之後她略激動說：「呢件事真係唔開心，啱啱同媽咪打完仗，好開心啲朋友知道我唔搞是非。」後日港視開台會否向美棋了解？她說：「其實真係好耐冇見，但見到唔會有負面感覺，都會打招呼。」

採訪：藍文浩
攝影：仇志德
from:http://hk.apple.nextmedia ... 141117/18937264

美棋昨日談到祖藍亞男求婚事件，亞男應該幾warm。

黃美棋最近先後傳與前經理人Chili和黃芷晴不和，昨日又有讀者爆料指美棋BB與童星陳祖兒拍拖期間一腳踏兩船，美棋昨日在電話中承認二人拍過拖，她說：「我九歲就識佢，佢追咗我好耐，最後我升大學時一齊過。」有傳她嫌人窮狠飛對方，她否認：「係我俾人飛，因為佢鍾意clubbing，我就鍾意返屋企，覺得做番朋友好啲。」

美棋昨日在灣仔宣傳電影《錯過》，對王祖藍向女友求婚撼港視，她說：「其實作為女仔幾warm，冇諗過係咪專登做呢樣嘢。」對於黃日華叫女兒芷晴不要搞是非，更不要被人恰，美棋說：「呢句我都袋咗落袋。」

採訪、攝影：嵐山、文國駿
from:http://hk.apple.nextmedia ... 141121/18941991