張栢芝迫剃光頭

1^# 大中小 young 發表於 2014-9-9 08:53 發短消息

當年張栢芝是中國星旗下藝人，向太踢爆當時周星馳擁有栢芝一部片約快到期，竟致電向公司要求栢芝即刻剃頭，並且半年內不准接其他電影，空出檔期預備拍《少林足球》，向太勞氣說：「嗰陣栢芝接咗好多廣告，你叫佢剃光頭，係有損合約，我哋可能要賠錢㗎。」

向太謂當時向周星馳提出商量，就算合約過期，將來都會拍攝，希望可以不讓栢芝剃頭，怎知周星馳竟寫信罵栢芝忘恩負義，要求栢芝賠償350萬元，向太火滾說：「佢只係畀咗5,000訂咋，好似大曬咁，蝦個𡃁妹，我寫咗封信鬧足佢8張紙，佢好驚我會畀傳媒，所以即刻打嚟話算數。」
from:http://hk.apple.nextmedia ... 140909/18859975

廷伸閱讀/相關主題推介:

相關主題:張栢芝光頭

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-9-9 09:22 發短消息

栢芝拖仔掃街邊檔

近年在新加坡生活嘅張栢芝，大前日被網友影到佢接兩個囝囝Lucas、Quintus放學後，喺當地街邊檔買嘢，網友喺微博留言：「偶遇張栢芝，這是朋友的女兒在Orchard SCAPE擺的美甲產品攤位，今天來了位大顧客！可愛小姑娘幫她認真挑選，滿載而歸！」街邊檔買嘢一洗栢芝大使形象。但呢類好人好事嘅相，栢芝經常俾人影到，之前佢湊兩個仔去韓國玩，又有人將「慈母照」放上網，難得係在超近距離下栢芝都好似唔發覺咁。

撰文：馮仁昭
From:http://hk.apple.nextmedia ... 140908/18858901

TOP

3^# 大中小 young 發表於 2014-9-9 12:51 發短消息

傳曾逼栢芝剃光頭，林小明狠批星爺自私

最近網上瘋傳一篇名叫《為什麼這麼多人黑周星馳？》的文章，內容詳盡地為星爺多年來的負面傳聞作出大平反，但全屬作者之言，並無他的直接訪問。其內容更涉及不少電影人和電影，文章一出，即傳言四起。

電影公司老闆林小明狠批星爺做事從不顧人感受。

有指當年周星馳拍攝《少林足球》時，曾欺壓張栢芝。因當年星爺手握栢芝一張拍片合約，而該合約將到期，星爺遂要求當時正上位中的栢芝剃光頭，等待劇組開拍《少》片，如不肯剃頭就要栢芝賠三百多萬片酬。

有傳栢芝拍《少林足球》時，曾遭星爺欺壓。

記者就此致電當時投資《少》片的電影公司老闆林小明求證。林小明表示聽過此傳聞但並無追問星爺：「我聽朋友講過，但我當時無追問番周星馳，同佢（指周星馳）合作過，都知佢係乜嘢人，佢太自私自利，做嘢唔會顧人感受，同佢唔好話做交心朋友，連做普通朋友都唔會。」記者亦致電周星馳及張栢芝求證，但至截稿前仍未有回覆。
from:http://orientaldaily.on.c ... /00282_028.html

TOP