林峯與佘詩曼在新劇《使徒行者》飾演鬥氣冤家，今晚劇情講述飾演毒梟的貝安琪色誘林峯，阿佘發現後醋意大發，更用手袋怒打「小峯」，令林峯痛至面容扭曲，監製文偉鴻說：「我哋一定錫住小峯嘅，場戲借位拍啫！」劇情亦講述沈震軒在火場抱救陳敏之，脫險後二人深情咀嘴，文監製說：「佢兩個總共咀咗5次，有晒默契，森美猛話易角蝕晒底。拍嗰陣沈震軒斷完手康復中，未用得力，我哋搵替身抱敏之，再後期key番個頭。」
阿佘拿起手袋揈向小峯，今次真係男人最痛！
此外，苗僑偉接受電台訪問時大讚同劇的阿佘有視后風範：「佢做屁股被釘插場戲做得好好，成個劇都做得好放！」阿苗又憶述初入行點滴說：「試過攝氏4度拍海底戲，一支氧氣樽兩個演員分，上水後淋熱水我都冇知覺！」
沈震軒與陳敏之脫險後肉緊咀嘴，敏之幾乎錫到鼻扁。
from:
http://orientaldaily.on.c ... /00282_021.html
