黃浩然昨日抱恙為無線新劇《張保仔》試造型，演張保仔的他透露近日因扁桃腺發炎而反覆發燒，更表示成個口爛曬，而陳凱琳在戲中會與浩然有鬧交戲，她建議浩然養好身體「備戰」！
陳凱琳昨日預習與黃浩然鬧交。
黃浩然、陳展鵬、陳凱琳及邵美琪等昨日現身將軍澳電視城，為新劇《張保仔》（暫名）試造型。演張保仔的黃浩然近日扁桃腺發炎，他表示是積勞成疾：「一個月前o架喇，睇咗醫生，食咗抗生素，好番少少。因為呢套戲要操，又要曬黑，點知又發出嚟，依家成個口爛曬，痛到瞓唔到，醫生話免疫力太弱。」談到新劇被指與電影撞橋，浩然指劇集早已有構思，不過是別人先一步開拍。
浩然更透露近日反覆發燒，得知將有落水戲，他決定抽空驗血以策萬全。身旁的陳凱琳即送上關懷，她指與浩然會有鬧交戲，建議他抽空休息，更自爆不時以中藥沖劑打底：「但一唔夠休息都覺得皮膚差咗，身體虛咗。」
陳山聰與黃智雯在戲中是鬥氣冤家。
陳凱琳不時食中藥調理身體。
陳展鵬（左）與樂瞳（中）和龔嘉欣言談甚歡。
展鵬光頭吸桃花
在新劇負責掃蕩海盜的展鵬得知拍檔浩然抱恙，他笑說：「今日係趁佢病攞佢命！」展鵬為配合角色而剃光頭，問會否擔心影響異性緣？他笑言以新造型轉運：「如果有一日喺呢段時間都搵到女朋友，我即係轉運。之前一路都搵唔到女朋友，可能剃咗光頭，啲女仔鍾意。」
邵美琪首次與陳凱琳合作拍劇，未開工已建立深厚感情，她透露：「大家都為食，都鍾意食咕嚕肉，佢份人又好nice。」對於早前在電影記招被指戴上婚戒，邵美琪再澄清只是戲服一部分：「結婚戒指唔可以亂戴！」
文：影視組
From:
http://orientaldaily.on.c ... /00282_028.html
