蕭正楠撇甩何傲芝後，火速戀上黃翠如，女方被冠以「狐翠如」惡名，令形象插水，但仍獲公司無限量力撐，令二人越愛越高調，前晚二人就拍拖睇杜德偉演唱會。還以為翠如BB有望成為蕭家人之際，最近卻傳翠如BB不獲蕭母歡心；有報導指蕭母覺得女方拖累阿仔事業，加上每次翠如BB去蕭正楠屋企都未有順道拜會住同一屋苑的伯母，即使蕭母到阿仔屋企，翠如BB亦避而不見。
翠如BB未正式入門，已出現婆媳不和，有傳令蕭正楠十分頭痛，蕭正楠昨受訪時表示不回應，希望傳媒不要用媽咪來做新聞。翠如BB開心睇完演唱會後，昨日凌晨則在微博貼了一張冇笑容的黑白相說：「願，我們都心中陽光燦爛。」Tee上寫有「Don't Judge Me」似意有所指。
至於被指甚得蕭母歡心的何傲芝，昨日接受電話訪問十分避忌，只說：「其他人事唔回應！」
採訪：嵐山
From:
http://hk.apple.nextmedia ... 140818/18835303
