「寸嘴Barbie」夏尉喻自拍短片爭奪「星女郎」之位，結果不負眾望成功殺入40強。對於「埋周星馳堆」，她顯得自信滿滿，更承諾會幫好姐妹石天欣索取星爺簽名，並表示要減肥備戰。
身材豐滿的Barbie信心爆棚，她透露正積極減肥力爭做「星女郎」。
Barbie引證「胸大冇腦」的謬誤！繼拋胸un住rap、自拍短片放上網，谷點擊率爭奪周星馳新片《美人魚》角色外，Barbie更應東網及《好報》之邀，來招泡泡浴曬「深溝」，令人氣飆升。據悉，《美》片海選已於昨晚截止，Barbie、許雅婷（Kabby）及蔚雨芯暫時打入頭40，Barbie更被指「名列前茅」，大有機會憑驕人身材殺入影圈，當葉玉卿接班人。
「幫師妹攞簽名」
Barbie昨日孖住好姐妹石天欣出席新店開張活動，受訪時全程盡顯信心謂：「其實冇留意共有幾多個like，今次旨在參與，平常心，不過有人話要睇多幾次我條片，先明白內容。」當聞得石天欣表示「睇一次就明」，Barbie表示：「佢係我粉絲嘛，第二時去北京見星爺，一定幫佢攞簽名。（有信心入圍？）有信心攞到簽名囉，星爺係我崇拜嘅偶像。」
周星馳
Barbie早前化身美人魚rap住拍片，成功在選角中打入40強。
信心十足的Barbie承諾幫師妹石天欣（右）問星爺攞簽名。
Barbie為《好報》拍「浴照」封面，曬事業線力谷人氣。
「杜汶澤崇拜我」
至於遭杜汶澤惡搞，模仿其短片舉動，Barbie則答：「冇睇到，不過覺得咁樣係成功嘅開始，我好有條件做諧星囉，佢崇拜我先模仿啫。（錢國偉有份拍《美》片喎。）我唔知，亦冇佢嘅電話。（如果入圍，介意醜化自己？）唔介意，我嘅身體係道具，希望發揮功能，配合到劇組嘅要求啫。（有傳「奶茶妹」章澤天係內定女主角。）唔清楚，總之能夠同星爺合作，唔係美人魚而係海星，或者鹹魚都冇所謂，佢係無厘頭始祖嘛。」
Barbie事後再接受記者電話訪問，則表示自拍短片引起很大迴響，有網友指她可繼承「如花」及「石榴姐」的衣缽，又透露刻下正積極減肥，希望瘦人不瘦胸。
文：影視組
From:
http://orientaldaily.on.c ... /00282_015.html
