露暈組合AD2成員Amy，出道至今騎呢招數盡出，今日有雜誌報道指佢涉嫌喺中環私竇援交，而喺一個「揀女私相簿」內，竟發現Amy性感照片，而該
簡介，寫到明係香港援交少女，活躍於香港、澳門、富豪飯局等。
對於捲入援交風波，AD2今晚出席一個寫真慶功活動時表示：「其實嗰個社交網站啲相，我估係喺我嗰啲微博抄落嚟。（截你圖？）係截圖，我覺得佢抄得我啲相太樣衰，如果啲相可以靚啲，咁我都冇咁嬲，希望佢哋快啲delete咗個網站，因為除我之外，我諗仲有好多無辜女仔，係無啦啦被截圖，其實對其他女仔好唔公平，因為我哋冇做呢啲嘢（指援交），希望有關人士快啲刪除個社交網站。」
咁有冇人向佢問價？Amy表示：「問價？有啲人係我facebook inbox問嘢，但我通常都唔理。」咁係咪即係曾被問價呢？佢話：「不嬲都有0既，有啲人搞事send message過嚟，第一我唔知佢係邊個，第二呢啲嘢我都唔會做，通常我會刪除佢。」
至於最高開價係幾錢？佢就話：「吓﹗佢哋寫嗰啲唔可信喎，（五六位數？）我記得我有玩嘢嘅，有人問我，我就玩嘢，我打咗個5，再跟住有10零咁樣，我玩返佢。（即係五十億？）知佢玩嘢嘛。」
對於報道指佢陪酒？Amy解釋：「其實唔係，朋友生日party或活動，我都會出現，我覺得交朋友唔會分佢有冇錢，純粹朋友活動會有去，但如果話收錢活動就冇去。」
咁有冇參與過富豪飯局？Amy話：「又唔可以話係富豪飯局，食飯一圍枱乜嘢人都有，有學生嘅﹑做嘢嘅﹑有錢嘅或冇錢嘅都有，收錢活動我係打碟﹑登台﹑表演及Catwalk嗰啲就有收錢。」
至於表演完後，有冇被要求留低應酬一下？佢話：「登完台同工作人員食完消夜先返去，因為大家都肚餓，而我本身對酒精敏感，所以如果有要求飲酒，係會拒絕，簽約時都講明唔飲酒唔會陪客。」
