產後已修身弗爆的「薛王妃」諸葛紫岐，據知將加盟英皇娛樂旗下，以七位數字動筆簽了經理人合約，主攻電影發展。英皇藝人及唱片部總監霍汶希（Mani）昨日承認諸葛加盟，她說：「其實諸葛未結婚前有傾過，但冇合作到，今次終於結緣。」身為Neway二少奶的諸葛，Neway可會投資電影？Mani表示英皇與Neway會共同發展電影項目，全力支持諸葛，為她打造新戲路。
諸葛紫岐現正揀合適劇本，希望在影壇創一番事業。
「公司好錫我」
諸葛囝囝「岐麟B」已經七個月大，但無阻她的事業心。Mani說：「事業女性婚後都可以有事業，佢好熱愛演藝工作，依家公司睇緊有啲咩合適劇本畀佢。」曾經拍過電影《最強囍事》的諸葛，亦跟台星楊謹華合作過拍劇《幸福三顆星》，演技受到讚賞，更被傳媒選為「最有潛質新演員」。諸葛說：「可以跟英皇合作好開心，希望有火花。（揀緊劇本？）有傾緊啲戲，公司好錫我，大家傾咗好多嘢，溝通得好好，畀咗好多機會我。」問她加盟英皇的身價多少？諸葛笑說：「呢啲唔講錢，大家講心，今次合作希望可以擦出新火花。」
文：音樂組
已為薛嘉麟誕下一子的諸葛，依然熱愛演藝工作。
霍汶希（右）承認諸葛加盟英皇，日後大有可能與師姐容祖兒（中）及蔡卓妍合作。
from:
http://orientaldaily.on.c ... /00282_028.html
