徐子珊為新劇豁出去，為報仇既要扮同性戀咀胡定欣及梁靖琪（Toby），又要於定欣面前除衫半裸，再度與黃宗澤（Bosco）合作的她，因背負著仇恨而接近對方，更自爆於後期與Bosco由恨變愛。
徐子珊為新劇搏到盡，除衫曬裸背，更要扮同性戀。
過往演過無數次警察角色的徐子珊，今次於新劇《點金勝手》又再重操故業，飾演探員的她為查出殺死父親的兇手，千方百計接近黃宗澤（Bosco），為怕觀眾看得生厭，子珊於角色造型上也花了不少心思，加入一些日常生活細微動作，如手拿巨形熊仔糖思考，以減低角色所指的目的性。
對於再度與Bosco合作，子珊表示今次有別於過往的激動愛情故事，取而代之是互相鬥爭，更抵死地謂：「一啲都唔浪漫，到好後期先有愛，所以我成日都要好憎佢，一開工就憎！」
首次裸背的徐子珊，拍攝時與胡定欣常笑場。
徐子珊再與Bosco合作，視對方為仇人的她更發展出愛情。
冇準備曬裸背
談到為假扮同性戀者，要分別向胡定欣及Toby獻肉嘴，感覺當然不好受，但子珊笑指此舉也不及於鏡頭前作背部全裸，她謂：「個角色為得到定欣信任，咪豁出去囉！拍嗰時我親身上陣，開頭唔知咁激動，劇本冇寫咁多，諗住都係露膊頭，點知拍之前兩日同導演講開，佢話要全露背，不知幾愕然，因為我未拍過咁樣嘛！」
由於事出突然，令子珊毫無準備，就連keep fit也不夠時間，她笑謂：「惟有儘量背部磨嚇沙，都諗唔到點遮，要見膊頭同肚，結果咪淨係黐住前面部份，定欣見到不知幾想笑。」適逢當日錄影廠內全男班工作人員，子珊惟有向服裝間同事求助，她謂：「除衫就簡單，點樣蹲低執返件衫先係重點，呢幕底線比咀仲勁。」
冇撻著富二代
對於被指與富二代新歡歐遊慶生，子珊笑指同場還有大班朋友：「梗係唔係拍拖啦！真係莫名其妙。（係咪富二代？）唔知呀！我識朋友唔會知人哋係咪有錢囉！」
髮型：JJ @ Red Cat Hair
化妝：KT
服裝：N12H
From:
http://orientaldaily.on.c ... /00282_029.html
