無線新劇《寒山潛龍》可說是古裝「FBI」，由馬國明領軍組成「天璣府」四大捕快，為破奇案甚至「放蛇」出擊，笑料百出。李詩韻既演村姑又演魔頭，是演技一大挑戰，她與馬國明別後重遇，更掀起一場國仇家恨。
馬國明與李詩韻這對老拍檔，盡情發揮喜劇天分。
由馬國明主演的無線新劇《寒山潛龍》將於下週一開播，馬明在劇中飾演智勇雙全的「天璣府」捕快，與陳國邦、敖嘉年及林夏薇拍檔屢破奇案。新劇輕鬆搞笑，監製羅永賢對馬明搞笑功力有信心：「馬明形象入屋但又唔係好強殺傷力，今次佢演好男人，角色個性面懵心精啱曬佢。新劇由查案慢慢發展到國仇家恨，希望帶觀眾逐步投入。」
與馬國明五度拍檔
馬明在《寒山潛龍》中與李詩韻第五度拍檔，二人默契獲監製稱讚：「佢哋雖然少談情戲，今次直接做十多年感情嘅夫妻，埋位就即時搵到點樣配合。」
敖嘉年（左起）、林夏薇、馬國明及陳國邦飾演四大捕快。
眾捕快踢蹴鞠，大顯身手。
詩韻初次一人分飾兩角，並首度以「師奶」造型亮相演村姑，跟隨馬明歸隱十年重出江湖，卻陰差陽錯與馬明分開。當詩韻再次「現身」，即化身為傾國傾城的名妓，令馬明意亂情迷之餘，更成了劇中一大奸角。
兩個角色反差之大，考驗詩韻的演技，監製對其表現予以肯定：「呢個女人（青樓名妓）見錢開眼，背景複雜，仲係殺人如麻嘅魔頭。我哋刻意拉大兩個角色嘅反差，其實演起嚟難度好高，但係詩韻嘅表現相當之好，令劇情更有張力。」
林夏薇底子好贏讚賞
林夏薇演的新進捕快乃陽剛味濃的「天璣府」唯一女將，造型巾幗不讓鬚眉。首次參演古裝動作劇的她笑言感覺新鮮：「裡面有好多造型，除咗女扮男裝，仲要做臥底扮妓女。套劇多動作戲，所以開拍前已經去健身練定體能。」
雖然夏薇被指「執二攤」上位做女主角，但其演技亦獲監製肯定，大讚她基本功紮實：「個角色原本係陳茵媺，佢因為生仔而退出，薇薇係臨危受命，不過佢都唔介意，亦都見到佢底子好好，有觀念，正因為咁先可以把握到機會。」
曹永廉演自己夠「膚淺」
年近五十的曹永廉依然「童顏」，今次在新劇中與馬明繼續稱兄道弟，飾演一名古裝版的「蠱惑仔」。
監製羅永賢與阿廉合作十數次，笑指他「膚淺」：「我成日都咁話佢，因為佢畀我個印象係面精心懵。我哋合作十幾次，好瞭解佢嘅強項，洪十九呢個角色就係佢自己！」監製更大爆找阿廉合作的趣事：「佢收到風要搵佢拍劇，就嚟問我『大佬呀，唔使打嚇話？唔使『英』嚇話？』我就話畀人打多！仲叫佢做番佢自己，佢就好放心咁去演。」
from:
http://orientaldaily.on.c ... /00282_027.html
