陳慧嫻一連三場《Back To Priscilla30週年》前晚在紅館開騷，闊別多年的慧嫻，首場個唱蝦碌連場。慶祝慧嫻入行30年，慧嫻爸爸現身撐場，文雪兒、關心妍、林建明和何傲兒，還有「少女版慧嫻」糖妹都是座上客。
在開場前，慧嫻爆拉鏈遲了15分鐘出場，令歌迷鼓譟，她出場幽自己一默說：「其實第一場演唱會，就好似第一次full dressed rehearsal，好多錯漏百出。我自己就鍾意睇第一場，因為鍾意人蝦碌，好黑心呀啊？」之後慧嫻化身貓女，身穿銀白色連身高衩長裙唱《夜了點》，但因為長裙衩太高，打底褲若隱若現。
學友大讚慧嫻好似台上的舞蹈員一樣好身材。
慧嫻回歸騷，雖有不少蝦碌場面，但仍極盡視聽之娛。
少女版慧嫻糖妹專程到偶像演唱會捧場。
「自己成日俾人呃」
演唱會中播放慧嫻的回憶片段，單身的慧嫻慨嘆謂：「自己成日俾人呃。我鍾意有男人味嘅男人，千祈唔好瘦。其實我好鍾意吳鎮宇。」台上即刻出現Sam哥的畫面，慧嫻說：「我鍾意佢好多年，如果佢玩樂器就更好。」
陳慧嫻在演唱會中，更換了8套歌衫，有不少是開衩設計，大騷纖腿。
近期的演唱會，最流行是錫錫，擔任嘉賓的張學友和慧嫻一樣不甘後人，在台上嘴對嘴，成為全晚高潮位，學友甫出場令全場尖叫，在熱烈的氣氛下，學友和慧嫻抱抱、拖手，然後情深對望，再錫錫，接著深情合唱《輕撫你的臉》。學友又大讚慧嫻身材好，他說：「因為佢同dancers一樣，跳得好好，我就好放心喇，而且佢身材都好好。我覺佢真正回歸樂壇，作為識咗佢30年嘅好朋友，我好開心。」
from:
http://hk.apple.nextmedia ... 140621/18768957
