日籍台灣藝人Makiyo(川島茉樹代)於2012年爆出同日籍友人友寄隆輝涉毆傷的士司機林余駿一案，當時佢都有份踢傷的士司機，但就一直唔肯認，一直等到影帶曝光後，踢爆謊話連篇，又馬上喊曬認錯，更要勞煩身患肺癌，且已經係第四期嘅媽媽幫口求情，真係不孝女。
之但係，經過是次教訓，Makiyo去年又被爆同身穿性感豹紋裝，同一個中年肥胖男士唱兼劈酒，Makiyo予以否認。
而最近又有傳，指Makiyo媽媽被診斷出只剩5個月生命，Makiyo用盡各種方式想要救母，今次更是決心一搏，打算同交往近兩年嘅男友「維尼熊」結婚沖喜。
據台灣《壹週刊》報導，Makiyo依家已經嘗試戒酒，但Ma媽近兩年身體極速惡化，做化療仲出現過敏反應，所以要改食中藥調養身體，可惜停止化療後病情每況愈下，所以Makiyo就諗住同男友結婚同媽咪沖喜。
報導話Makiyo最近仲搵塔羅師幫忙，問塔羅師自己幾時會結婚，塔羅師就好肯定咁話佢今年一定會行入教堂。至於Makiyo嘅桃花係點，塔羅牌就話佢嘅對象個性穩重、熱情大方，不過就大男人啲，仲應該係做高層主管、老闆或創業嘅人，仲同國外事務有關，可能係要往返兩地工作或者進出口貿易。
Makiyo嘅男友「維尼熊」就曾經被拍低同Makiyo媽媽食飯、見家長，佢係紐約華裔，大過Makiyo五年，又係做貿易工作，又要喺台灣同美國兩邊走，似乎佢就係塔羅牌形容為Makiyo真命天子嘅人。Makiyo都喺訪問時講過，男友大部分時間都喺美國，但只要人在台灣就會見面，又大讚體貼、溫柔，不過為咗好好保護戀情，佢始終唔想透露男方嘅真名。
from:
http://hk.apple.nextmedia ... 140612/18756026
