溫碧霞（Irene）、麥德和這對昔日《靚妹仔》拍檔，前晚偕同新一代𡃁妹仔許雅婷（Kabby）、蔚雨芯（Rainky）、李靜儀（Heidi）等，在圓方出席《靚妹仔》延續篇《微交少女》首映禮，麥德羅、莊思敏、林家棟、趙勁皓與女友盧頌之等人亦有來捧場。
谷出4吋事業線的新城嫂Kabby力撼透視bra top的Rainky，自知身材輸蝕的Heidi就索性密實封胸。不經意地露出胸墊的Kabby說：「今日大喜日子，要賀嚇佢，不過呢排開始有少少發育。」問到其上圍有否發育？她只說：「係整體嚟講。」Heidi在旁則指自己身材反而縮水，因為最近拍MV要減肥。
穿開胸裙的溫碧霞（左）不時彎低身，徘徊在走光邊緣。
有「魔鬼胸」之稱的蔚雨芯（右二）力谷透視湯碗胸搶鏡。
麥德和（右）有新戲上映，哥哥麥德羅專程來捧場。
麥德和：好有感覺
美魔女Irene47歲風采依然，一人力敵三位青春少女，遊刃有餘，就連麥德和也稱讚：「越嚟越靚女，見到佢就好有感覺……嗱！唔好亂寫，係開心嘅感覺。」Irene回應麥德和說：「佢以前好怕醜，細細個見到我都面紅。」當年麥德和曾否暗戀Irene？Irene說：「唔使暗戀，當年大家細個都好天真，我得15歲，好𡃁妹。」
此外，之前Rainky多番強調戲中露點演出是用替身，惹起導演翁子光不滿，覺得她說話幼稚及不專業，Rainky自辯：「唔係鬧我，導演只係對事唔對人，有時太多呢啲字眼會唔鍾意，我作為女仔都唔鍾意啦，我只係唔想套戲出街之後，個個問係咪我，所以一早講，同屋企人、朋友有交代，。」她又說其實導演很錫大家，剛才在後台也有打招呼。
from:
http://hk.apple.nextmedia ... 140612/18754831
