蔚雨芯魔鬼胸學做樓面

1^# 大中小 young 發表於 2016-3-27 01:13 發短消息

相關主題: 蔚雨芯

擁32D導彈胸嘅蔚雨芯（Rainky）一直以「魔鬼胸」聞名，今年只有22歲嘅佢，後生有身材個樣又唔差，喺娛樂圈發展都唔愁冇得撈，不過年紀輕輕嘅佢，似乎好明白夢想唔可以當飯食呢個道理，所以早兩年已經跟公司同事投資做生意，一於搵錢最實際。

【收銀】
蔚雨芯除咗捧餐，仲有埋櫃面學收銀。

【捧餐】
蔚雨芯話因為投資咗少少，所以去冰室度捧餐學嚇嘢。

忍口最辛苦

馮仁昭前兩日喺港澳碼頭入面嘅「華星冰室」見到蔚雨芯，當日大約中午12點幾，由於係午膳時間，食客多到坐滿個場，密冚「魔鬼胸」嘅Rainky嗰日先喺櫃面收銀，然後跟住一位店員四位騰，一時去水吧攞飲品俾客人，一時又負責捧餐，總之就忙到冇停手。

馮仁昭打過電話搵Rainky，講笑問佢係咪唔做藝人轉做樓面？佢就話：「梗係唔係啦，因為今次投資咗少少，所以想學嚇點做生意，瞭解嚇成個運作，我希望分店越開越多，第日可以上市吖嘛！」不過，Rainky話喺冰室做嘢要忍口都幾辛苦，因為好多嘢食引誘：「我啱啱接咗個收身代言呀，所以一定要忍口，因為要喼弗呀！」

撰文：馮仁昭

馮仁昭
from:http://hk.apple.nextmedia.com/entertainment/art/20160309/19521401

廷伸閱讀/相關主題推介:

相關主題:蔚雨芯

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-4-18 02:10 發短消息

蔚雨芯揚言：唔打botox

蔚雨芯昨日以性感打扮現身美容店開幕禮。

蔚雨芯昨日在將軍澳性感現身其代言的美容新店開幕，對於她參演的大台劇《末代御醫》硬撼ViuTV播映的韓劇《太陽的後裔》致收視插水，蔚雨芯說：「唔關事，《太陽》我都有睇，我覺得香港人應該支持香港人，唔好再話香港作品唔好，畀多啲鼓勵。」

其後蔚雨芯與李逸朗在旺角宣傳港台劇，她在劇中因貪靚走去整容，問她現實中會否考慮？她說：「雖然我天生唔夠靚，但我會keep住，暫時都好滿意，好多謝爹哋媽咪畀我嘅嘢，將來老咗都唔會去打botox，人始終會老。」李逸朗亦覺得外表不重要，要學識喜歡自己。

採訪、攝影：黃曉妍、羅慧敏
from:http://hk.apple.nextmedia ... 160416/19573159

TOP

3^# 大中小 young 發表於 2017-8-15 20:29 發短消息

蔚雨芯夏日騷D奶

蔚雨芯去年簽約加盟吳奇隆製作公司，赴京發展逾半年，最近回港拍攝美容公司廣告：「之前做咗兩年代言人，好開心老闆再搵我續約，夏天當然要畀啲amazing大家。」一款火辣紅色連身泳衣，胸口綁繩設計，大騷32D上圍及修長美腿，她直言拍攝前有努力喼弗：「食嘢要節制同做運動，當然唔少得做機啦。」

採訪：嵐山
from:http://hk.apple.nextmedia ... 170815/20121468

TOP

4^# 大中小 young 發表於 2017-8-19 21:28 發短消息

自爆睇舖直落蔚雨芯視察樓盤

蔚雨芯噚日着牛仔褸又冇化妝，睇樓盤嗰陣仍然被認出。讀者提供圖片
【爆相爆片】擁32D上圍嘅「魔鬼胸」蔚雨芯（Rainky），舊年簽約吳奇隆旗下公司，返咗內地發展咗一段時間，最近轉移陣地返香港，接拍劇集、兩部電影同美容院代言人等，亦加入華星冰室做市場經理，瓣數多多。

大前日《蘋果》讀者洪先生透過「爆相爆片」，話見到Rainky去咗睇荃灣新盤荃城匯，佢當日素顏現身，着住一件牛仔褸包到實，pure又清純。洪先生話：「今日大約4點45分左右，見佢同一個男人一齊去睇樓，另外仲有兩名地產男代理，佢去睇完示範單位，再去咗模型區，睇咗足足5分鐘，好似幾有興趣。」其間亦有人認得佢，仲話：「Rainky Wai？正喎！」

「魔鬼胸」蔚雨芯除咗幕前，仲做埋市場經理。資料圖片
鍾意三房

馮仁昭問Rainky係咪買樓？佢話只係去參考吓，自言未有能力上車：「我陪經理人去睇咋，嗰朝我哋仲去埋睇舖，因為有份投資嘅華星冰室想開分店，我哋去完元朗、大埔，咪順便睇埋荃灣樓囉，經理人同太太都好想買，我去參考吓。」Rainky坦言90後置業好難，自己好鍾意三房間隔：「人人目標都係買樓啦，其實首次置業首期好吸引，但自己未敢供住，仲要搏命啲。」
from:http://hk.apple.nextmedia ... 170818/20124542

TOP