林峰床上Chok親傷腰甩底電視節

林峰拍戲受傷屢見不鮮，原定出席本屆上海電視節宣傳造勢的他，「臨門一腳」卻因起床時Chok親腰患求醫而未能登機，被迫臨時甩底，惟有將重任交予徐子珊及黃宗澤（Bosco）等人。不少峰迷早早到場霸位見偶像，當聞得阿峰受傷，難免擔心及失望，而今次受傷，未知會否影響阿峰的巡迴演唱。

林峰做咗「容易受傷的男人」。

林峰名副其實的「容易受傷的男人」，多年來身體各部位上至頸椎，下至腰股都「多災多難」﹗年前拍攝電視劇《花花世界花家姐》期間，他試過因頸椎移位入院，而接拍電影《忠烈楊家將》時，又被拍檔鄭少秋踢爆他因騎馬戲搞到屁股磨傷甩皮，加上道具盾牌太重關係，同時chok傷左手。2011年舉行演唱會期間，阿峰又因爆玻璃弄傷右手流血不止。昨日阿峰再次「當黑」，起床時因動作太大觸及腰部舊患，即時感到痛不欲生，原本趕往機場到上海宣傳的他，最終改往醫務所求醫！

千語關心祝康復
阿峰上海之行原本與徐子珊、Bosco、佘詩曼、苗僑偉及黃智賢等，代表無線出席「第20屆上海電視節」的宣傳活動，而內地粉絲早已聞「峰」而至，早早到場霸位，現場被擠得水洩不通，當大會宣佈阿峰未能依照原定計劃亮相，不少峰迷難掩失望之餘，更擔心偶像傷勢。記者事後與其經理人Candy取得聯絡，她透露：「佢睇咗醫生，目前要多啲休息，未嚴重到要留醫嘅。」身為阿峰女友的吳千語表示得悉男友受傷，同時亦關心地祝他早日康復。

黃宗澤終于歸隊谷宣傳，徐子珊露腰裝冧粉絲。

阿佘等人進場時，大受粉絲歡迎包圍拍照。

吳千語

黃宗澤（右起）、徐子珊、苗僑偉、佘詩曼與黃智賢代表無線出席上海電視節。

《點》劇5千萬點擊
因阿峰缺席關係，宣傳重責落在子珊等人身上，幸而子珊相當識做，昨日以露腰裝亮相勁冧粉絲，而早前缺席新劇《點金勝手》各項宣傳的Bosco，終於完成內地劇集的拍攝工作「歸隊」，且公佈好消息謂：「套劇反應唔錯，網上點擊率有成5000萬次。（點樣補償你之前冇宣傳，請大家食飯？）肉隨砧板上囉。」他又搞笑表示倘若成績再好的話，叫身為女主角的子珊「露肉」，換來子珊「反擊」﹕「咩呀，我喺纖體廣告咪露咗囉。其實我喺劇裡面有大露背戲，收視再好咪叫監製將場戲剪長啲囉。」Bosco即答：「咁我都露心口嘞。」

而今次無線於上海電視節的宣傳攻勢浪接浪，繼重點宣傳《點金勝手》及林峰主演的《使徒行者》外，《醋娘子》及《老表，你好hea﹗》等新劇的大型燈箱亦擺放在當眼處，而黃秋生主演的《梟雄》即使倘未正式開拍，亦成推介之一。
from:http://orientaldaily.on.c ... /00282_001.html

林峯早前被指在床上chok傷腰，身為女友的吳千語前晚出席活動時透露男友傷勢頗嚴重，走路都成問題，但並非在床上受傷而是做運動弄傷，她稱有陪男友看醫生，醫生還吩咐不要為他按摩，總之咪亂掂！

吳千語指林峯是做運動傷及舊患，自己有陪他睇醫生。

吳千語前晚戴上價值逾千萬元的鑽飾出席活動，表示頸上所戴的16卡鑽石是她戴過最大顆的鑽石；問她收過男友林峯最大的鑽石有多大，她說：「呢啲係心意唔係卡數，都未送過戒指，戒指喺重要嘅時候送。（等緊收？）可以自己買，結婚戒指就唔急。」提到林峯chok傷腰而缺席上海電視節，千語就透露男友的傷勢：「都幾嚴重，要照磁力共振，等緊報告。我有同佢睇醫生。（佢喺床上chok親，係咪你間接造成？）唔係，佢係做運動整親，佢最近好努力做gym，可能做得太密同姿勢唔啱，係舊患加新傷。」

運動傷及舊患
千語稱不知道男友何時康復，一面憂心忡忡地說：「聽講佢幾嚴重，依家唔係好行到。佢拍戲多舊患，之前傷過，加上做運動，所以變到咁嚴重。（會唔會影響到生育能力？）醫生叫佢休息，唔可以做運動同郁動太多，好似話傷咗組織，我都唔太清楚。（請假陪佢？）最多陪佢睇醫生，之後我要做嘢。（心痛？）我有叮囑佢多休息，佢之後好似要做物理治療。（幫佢按摩？）唔可以亂掂，醫生叫佢唔好出去按摩。」雖然她口中沒說出心痛男友受傷，但心痛之情已溢於言表。

林峯

Ana R.性感上陣。

林德信與同場的黃佩霞（左）及歐陽妙芝玩自拍。

同場的歌手林德信表示自己未買過戒指等鑽飾給女友，若有足夠能力，首先要買鑽飾給母親，即使買樓也一樣，母親永遠排第一。而以deep-V上裝配see through長裙赴會的名模Ana R.則透露婚後輕了５磅，但丈夫卻肥了15磅。
from:http://orientaldaily.on.c ... /00282_070.html