譚詠麟笑Alan布志綸入贅

譚詠麟（阿倫　右）昨晚現身港大出席《型仔習作》的首映禮活動，提到Mr.主音Alan將會娶女友，對方家底有10億身家，他即笑笑口：「真定假，恭喜曬，咁好笑，佢娶人嗎，唔係入贅嗎，戥佢開心，佢一定有付出，自己少同Alan聯絡。」阿倫大讚身邊的17歲編劇林昶讓是好榜樣，記者笑Alan都是好榜樣，他表示：「唔好向錢睇，可能做咗好大付出。」記者笑言阿倫視Mr.為子姪般對待，他即表示：「人哋有父母，唔好當孤兒咁。」
from:http://hk.apple.nextmedia ... 140607/18748058

樂隊Mr.主音布志綸（Alan）親證年底迎娶富家女Sally，雖然未婚妻家底豐厚，但Alan堅持婚禮不用女家一分一毫，寧願捱生捱死去拚博，希望為未來太太打造一個舒適安樂窩，視他如世姪的校長譚詠麟得知Alan將成十億駙馬，即戲言：「叫佢整啲嚟！」認真盞鬼。

Alan與Sally已積極籌辦婚禮，並會大排筵席宴請親朋。

樂隊Mr.的主音Alan與富家女Sally拍拖四年，終修成正果，Alan被《好報》獨家踢爆將於年底迎娶女友Sally，據知Alan在今年情人節向女友求婚成功，兩人正積極籌辦婚禮，將大排筵席宴請親朋，由於Alan的未婚妻Sally名副其實是千金小姐，但他不希望招人口實，過去幾年他努力儲蓄，死慳死抵揸殘車、着舊衫、就連出街食飯找番廿蚊都畀女友袋埋，難怪堅持婚禮一切開支由他獨力承擔，不要未來外父「出手」資助。

為夢幻婚禮狂吸金
Mr.忙於到內地、台灣、東南亞巡唱做騷，Alan昨日身在馬來西亞透過經理人承認婚訊，問到他婚禮籌備如何？他說：「因為一直忙緊國語碟宣傳及巡唱，好多婚禮嘅事都交畀女友搞，都辛苦佢。」低調的他不欲多透露婚禮一事，Sally被指是富家女可有令Alan感壓力？他說：「唔會有壓力，我會努力做好工作，希望將來畀到個舒適環境同幸福生活佢。」

Alan與女友歎茶餐廳後，找番廿蚊都上繳。

《好報》搶先報道Alan與同居女友年底拉埋天窗。

雖然年底才舉行婚禮，但Alan被影到與女友已經在南區薄扶林築愛巢共賦同居，Alan愛得坦白說：「嗰度係租嘅，我目標當然都想買樓，總之我會努力o架啦。」Mr.入行至今已演出超過600場live騷，為夢幻婚禮Alan更是拚博，今年上半年Mr.馬不停蹄唱了幾十場，估計吸金超過七位數，Alan笑說：「我都想，我哋係五個人分，我都想賺多啲。」

女友拎住袋食物上Alan的車。

阿倫（圖）聞Alan結婚立即送上恭喜。

Alan與Sally在南區薄扶林築愛巢同居。

Mr.其他成員戥好兄弟Alan（右）娶得美人歸開心。

譚校長：叫佢整啲嚟！

Mr.甫出道即獲「校長」譚詠麟（阿倫）扶持，其中主音Alan更與阿倫同一英文名，相當有緣，所以阿倫昨晚出席活動時，記者問他Alan年底結婚，被封為十億駙馬，阿倫勁搞鬼笑說：「十億，真定假？咁好笑，叫佢整啲嚟，佢係娶定入贅？」阿倫覺得不是樣樣事都向錢睇，他認識的Alan對音樂好熱誠，婚後依然會熱愛做音樂，他也戥世姪開心，笑說：「依家消息出咗，等佢自己報番嚟，我唔會打去問，但點都係恭喜晒佢。」
from:http://orientaldaily.on.c ... /00282_001.html

樂隊Mr.噚日由馬來西亞返港，原來佢哋都係同彭順坐同一班機，但佢哋話冇見到彭順，成員MJ話：「我哋遲咗少少上機，所以冇見到。」唔知係咪大家坐嘅class唔同呢？

另外，有報道話主音Alan將會同富貴女友拉埋天窗，Alan直認暫定十一月，到時宴請親朋好友，仲話係去年求婚成功。
from:http://hk.apple.nextmedia ... 140610/18751688

昨日大批傳媒聚集機場等候導演彭順回港，不過，彭順未到，先見樂隊Mr.各成員現身，原來他們也是由馬來西亞返港，相信與彭順同機，但問到他們是否也乘搭彭順所乘的航班時，各人都顯得甚為避忌，並表示：「我哋都要睇吓個登記證先，其實我哋好遲先上機。」Mr.主音Alan承認今年結婚，坦言於去年已求婚，會在香港擺酒，問他會否大排筵席﹖他說：「正正常常咁，最緊要屋企人開心，多謝大家關心。」

Mr.昨同由馬來西亞返港。

同日返港的還有戴着太陽眼鏡及口罩的鍾鎮濤，他見到大批記者即表現愕然，透露剛由大連工作回來後便匆匆離開。
from:http://orientaldaily.on.c ... /00282_004.html