新人譚淇淇遠赴印尼展開一段性感大解放之旅，先在落後的棉蘭享受全裸「天體浴」，之後到峇里參加好姊妹婚禮，再以三點式上陣參加告別單身派對，當然引來不少狂蜂浪蝶埋身！
譚淇淇在印尼發覺民風保守，穿吊帶T恤短褲已是性感極限。
歐陽靖（MC Jin）女徒弟譚淇淇早前隻身飛到印尼半個月，她先到落後城市棉蘭探望已回鄉退休的印傭姐姐，由於當地天氣炎熱，本想以背心短打上陣的她說：「原來印尼好保守，我都要入鄉隨俗由頭包到落腳。」
譚淇淇（左）與一班好姊妹參加告別單身派對，齊騷quali穿三點式。
金魚陪沖涼
淇淇寄居在印傭姐姐的家，體驗當地生活，令在香港嘆慣的她大叫唔慣：「張床好濕，成日落雨，又冇冷氣，搞到我都瞓唔到。」但最難忘的經歷，是她要「天體浴」初體驗：「沖涼地方係露天嘅，類似一個井咁，我要自己倒水沖涼，最搞笑係我腳邊仲有啲金魚一齊陪我沖。」
譚淇淇（右）在峇里出席好友的婚禮。
見靚仔抄牌
在棉蘭見識過著名火山及動物園後，淇淇出發到峇里島參加好友的海邊浪漫婚禮，婚禮前，一眾好姊妹在池邊舉行告別單身派對，眾索女穿上三點式齊解放「咪咪」！問淇淇可會恨嫁？她說：「睇人結婚我成日會喊，幸福係會被感染，但我唔恨嫁，鍾意一個人，唔鍾意人哋理我。」
臨走時，淇淇抵達峇里機場才發現機位已滿，幸好最後遇到靚仔恩人：「我喺機場好迷惘之際，隔籬咁啱係個香港男仔，佢有窿路可以幫我上網即刻訂飛，我見佢生得鬼鬼哋，幾靚仔，就即刻抄佢牌！」
from:
http://orientaldaily.on.cc/cnt/e ...0606/00282_072.html
