徐子珊未諗再戰樂壇

藝人徐子珊昨日到電台宣傳新劇《點金勝手》，她表示最近除宣傳新劇外，亦忙著練歌為電影錄插曲，講到近日同劇的黃宗澤缺席宣傳，她講笑話：「佢返咗大陸搵人仔就唔理我哋死活喇，不過佢前排都有抽一日返嚟做訪問。」

徐子珊「投訴」黃宗澤掛住搵人仔而冷落同劇演員。

至於有報導指胡定欣為撼徐子珊而微調鼻翼，她就話：「唔覺喎，近睇都冇變過，角度問題啫。（自己接受？）我就尊重每一個人，係我自己驚死唔敢啫。」問到徐子珊會否再戰樂壇？她就笑言自己未有打算：「都係演戲啱我多啲，唱歌間中有人賞識就得。」
from:http://orientaldaily.on.c ... /00282_031.html

已有好一段時間沒有出新歌的徐子珊，近日為新劇再次「出山」，更聯同「巨聲幫」的胡鴻鈞為新劇合唱插曲，公仔箱女神碰上音樂才子，擦出另一種火花，拍MV時徐子珊對着自彈自唱的胡鴻鈞，不禁自爆迷戀吹色士風的男生！

徐子珊和胡鴻鈞合作拍ＭＶ，慢熱的胡鴻鈞坦言不敢直視子珊。

無綫最近推出新劇《點金勝手》，特地找來女主角徐子珊（Kate）與「巨聲幫」的胡鴻鈞（Hubert）合唱插曲《棋逢敵手》。早前已與鍾嘉欣、吳若希等合作過的Hubert，對於自己能夠再次與女神合作甚感興奮，相反有好一段時間沒有唱歌的Kate要面對巨聲出身的Hubert，就大叫：「好大壓力！」Kate表示：「因為好耐冇唱歌，Hubert唱歌又咁好，好怕會拖累佢，好彩係分開錄音，但我自己就錄咗成4個鐘。」

很久沒唱歌的徐子珊，錄音錄了四小時。

子珊拍到喊
除了錄音外，這歌亦有拍ＭＶ，對Kate這個演員來說，短短幾分鐘的ＭＶ根本不算甚麼，馬上便能入戲，但今次反而換Hubert感到緊張：「拍ＭＶ當天先係第一次見面，我份人又怕生又慢熱，真係完全唔敢正視前輩級嘅Kate。」Hubert的演戲經驗雖淺，不過俗語說「人靠衣裝」，所以Hubert特地襯好幾套西裝，希望兩人更合襯。

在ＭＶ中，其中一幕是Hubert坐在Kate旁邊彈鋼琴，Kate聽得相當陶醉，提到這一幕，Kate自爆一向情迷音樂型男士：「我最欣賞有音樂才華嘅男生，Hubert識得自彈自唱更加要加分，我對吹色士風嘅男生仲情有獨鍾，白馬王子一定要識！」Kate還笑言要Hubert快點去學，做個十全十美的音樂王子！另外因為新歌歌詞貼近劇情，令Kate拍ＭＶ時不禁落淚。
from:http://orientaldaily.on.c ... /00282_026.html