早前傳出離巢風波的蔚雨芯（Rainky）加盟新東家，未來將會「兩條腿走路」，實行唱歌演戲兩邊走，胸前偉大的Rainky更揚言要搣甩「魔鬼胸」稱號，用實力取代「胸器」！
蔚雨芯孖師弟王顯聰殺入影壇拍戲。
歌手蔚雨芯最近簽約新公司並升呢做師姐，帶住師弟王顯聰（阿聰）一齊搵食，由樂壇新人變成大師姐，回想當初離巢一事，Rainky若有所思說：「其實自己唔算徬徨，因為信得過經理人，雖然大家係因為『魔鬼胸』先至認識我，但我會繼續做音樂，畢竟我係為唱歌先入行。」
孖師弟「聰」影壇
去年Rainky為主打歌苦練跳舞，當時為她伴舞的阿聰就大爆：「佢係死都要跳得好嘅人！」至於有否被大師姐蝦？他識做說：「冇呀，邊有？」
蔚雨芯收起魔鬼胸仍有靚樣美腿吸睛。
曾為師姐伴舞的王顯聰晒舞技。
除跳舞上的合作，二人早前一同殺入電影圈拍電影，首次擔正的Rainky要做反叛的啞妹，當中最考演技的不單止學手語，還有扮曳：「我係家姐，屋企負責教細佬，學校就係做風紀，最曳都淨係同屋企人鬧交咋，因為啲餸唔好食。」在旁的阿聰就稱自己剛好相反：「曾經群埋啲唔三唔四嘅人，但當我接觸跳舞，跟狄易達練習後，就將啲曳精力放晒落跳舞度，家陣做導師，見番啲學生好似見到自己咁！」
王顯聰
鞋：Dahoodhk
蔚雨芯
服裝：MS.Clothing
髮型：Joey Hui＠Hair Culture
From:
http://orientaldaily.on.c ... /00282_054.html
