馬賽降呢做主播死撐開心

馬賽自與女製作人汪子琦傳緋聞後遭無線打入冷宮，由昔日上位花旦，降呢任娛樂台主播，不過伊人昨日出席活動時死撐指視不同工作為挑戰及學習機會，望他日當全能藝人鋪路，並感激公司一直疼錫她，故現時絕不多想感情問題！

大露長腿的馬賽興奮自爆即將當娛樂台主播。

馬賽、蔡思貝、何傲兒等昨日出席《2014年無線盃中龍混合邀請賽》，楊明、羅孝勇、張景淳等一眾男丁則以「TVB龍舟隊」之名出賽，前港姐張名雅則任鼓手，結果７支參賽隊伍中，TVB最後以第６名出線。任啦啦隊的馬賽、傲兒於場邊表現興奮，不時大叫眾人加油。談到近況，馬賽竟興奮謂是日將加入娛樂台大家庭當主播，並已花一週作訓練，她說：「拍劇唔慣對住鏡頭講嘢，同埋要自己寫稿，以前好驚講嘢，依家公司畀咗機會我，令我對出面的司儀工作都會有信心。（覺唔覺得做主播『降呢』？）唔同工作有唔同挑戰同學習，會用積極心態去練口才，今次係講普通話嘅，希望做個全能藝人。（公司幫你洗底？）我冇咁去諗，公司一直係錫我嘅。」馬賽又稱，當主播不用太多時間，若有適合劇本也會拍劇，現時與工作拍拖很開心及忙碌，根本不會浪費時間去想感情問題。

傲兒代姊否認緋聞
傲兒則代家姐何傲芝否認與曾參加《星夢傳奇》的張明偉拍拖，指家姐享受現時生活，雖有追求者，但慢慢作揀選，問到是否父親經常介紹有錢人給她兩姊妹？傲兒謂：「本身自己係小康之家，馬圈一直係自己朋友圈子，唔明入行後，就有人話娛樂圈女仔要識富豪同馬主，呢啲都係我識嘅朋友，咁家姐有咩對象我會幫眼嘅。」傲芝昨亦在電話訪問中否認戀情：「當日只係搭順風車，亦唔會多諗發展空間問題。」張明偉則坦言與傲芝僅為普通朋友，也不覺對方拜金。

張名雅任鼓手，率領TVB藝員作賽。

蔡思貝（右）、何傲兒（左二）等高舉「旗開得勝」旗幟做啦啦隊。
from:http://orientaldaily.on.c ... /00282_032.html

馬賽昨日在旺角出席世界盃活動，由拍劇轉做娛樂新聞台主播的她，被問到反面收場的舊愛汪子琦日前以投資者身份出席電影開鏡活動時，聲言不想再提起她的名字？馬賽冷淡回應：「我冇留意，又唔係我報呢單新聞。」會否避開不報道有關汪子琦的新聞？馬賽說：「唔會，我做嘢好專業，冇同任何人對立，做人需要向前看，過咗去我亦唔想提。」
from:http://hk.apple.nextmedia ... 140608/18749349

馬賽早前與內地女製片人汪子琦傳緋聞，最終獲無綫開綠燈原諒，雖然降呢當娛樂主播，但馬賽仍視之為挑戰。昨日馬賽現身鬧市活動時，坦言開工四日仍未習慣，但自誇專業，若然有需要，不會因個人理由避開報道有關對方的新聞。

加入娛樂台當主播的馬賽每日都要忙住寫稿，直言仍未習慣。

馬賽、許亦妮、何傲兒、沈卓盈等「世界盃大使」昨日出席「myWorldCup」App宣傳活動，於街頭大玩射十二碼。

剛加入當娛樂台主播的馬賽，透露已返了四日工仍未習慣，皆因要一手一腳搵資料及寫稿，感覺如趕交功課般，幸好NG由3次減至1次，令其總算有點成就感，她謂：「要追趕同事進度仲有一段距離，我NG佢哋都陪埋我，（請食飯？）本來想請，但每日寫稿連食飯都冇時間，希望過幾星期會好啲！」談到曾與她傳緋聞的汪子琦近日公開現身，馬賽表示沒有留意，她謂：「做新聞都冇呢條片，人要向前望，過去唔想再提。（會唔會避開佢唔報道呢段新聞？）我個職位係專業嘅。（佢話唔想再提起你！）我冇同任何人對立，同佢有關嘅嘢都唔想提。」

何傲兒認為蕭正楠拍拖太高調，但不擔心家姐的感情狀況。

蜜運中的沈卓盈表示男友還未求婚。

馬賽早前與汪子琦（右）傳緋聞而令形象受損。

蕭正楠愛得高調
同場的何傲兒則透露父親今天生日，已親手焗製曲奇當禮物，對於家姐何傲芝舊愛蕭正楠與女友黃翠如高調拍拖，何傲兒也直指對方高調，但不欲多談，問到有否戥家姐不值？她謂：「冇話抵唔抵，拍拖開心就一齊，抵唔抵唔需要去衡量，係每個人處理手法，家姐都唔愁，好多朋友仔。」

至於沈卓盈談到近日圈中喜事連連，問到與拍拖年半的男友何時拉埋天窗，她笑謂：「係都對方計劃，佢未求婚，但依家係開心。（係咪你Mr.Right？）唔講住，唔好畀佢咁淡定，一於吊高嚟賣。」
from:http://orientaldaily.on.c ... /00282_017.html