楊思琦着DIY低胸波衫出席世界盃活動，十分養眼。
今屆世界盃將於本周五（13日）凌晨開波，前英格蘭球星奧雲和荷蘭名宿古列治昨現身香港出席活動，吸引眾女藝人集郵，古列治、楊思琦與台灣組合LOLLIPOP F亮相觀塘apm，圍觀人群企滿三層樓，着DIY低胸荷蘭波衫的思琦俯身踢波時拋胸露bra帶，負責守龍門的古列治更放水讓她入波。
擔任活動「Morning call女神」的思琦說：「自己有機會見到古列治風采好開心，會把握機會喺後台影相，好開心攞到佢嘅簽名足球，我仲想見美斯同朗拿度。」另問到有傳她在內地出席土豪飯局？思琦否認：「只係同電影工作人員傾工作，簡單便飯。」
荷蘭名宿古列治昨現身香港即場教思琦踢波，吸引大批球迷圍觀。
台灣組合LOLLIPOP F玩叠羅漢守龍門，認真鬼馬。
前英格蘭球星奧雲昨在將軍澳教王敏奕（右）和黃翠如控球。
奧雲教控波
至於奧雲則在將軍澳東港城出席簽名會，球迷塞滿整個商場，「嫩版李麗珍」王敏奕和Anjaylia等都爭住集郵，繼成龍謂睇好巴塞或AC米蘭贏世界盃冠軍失言後，昨日就輪到王敏奕擺烏龍，搞錯葡萄牙球星C朗拿度的國家，獲奧雲親教控球的王敏奕表示最鍾意西班牙球隊：「因為多靚仔，特別鍾意C朗拿度。」記者更正C朗拿度是葡萄牙球星，王敏奕驚訝反問：「係咩？我都好鍾意碧咸，奧雲都好靚仔。」同場的賴慰玲攞波衫跟奧雲合照時單眼放電，同樣鍾意靚仔的Anjaylia，更專登攞印有「J」字的T恤給奧雲簽名。
此外，樂隊RubberBand昨到將軍澳出席開球禮，髮型似古列治經典look的阿正是荷蘭擁躉，捧英格蘭的阿偉被泥鯭取笑是港英餘孽。
採訪：藍文浩、王連連、黃曉妍
from:
http://hk.apple.nextmedia ... 140609/18750201
