鍾嘉欣前晚出席放榜活動，分享減壓心得，嘉欣笑言以前曾因讀書壓力而「打枕頭」，問感情上曾否因壓力而喊時，她幸福表示：「好彩冇！」
鍾嘉欣甜笑承認戀情沒有壓力，故此不用流淚。
鍾嘉欣、黃美棋、鄭俊弘、胡鴻鈞等前晚出席屯門「V city DSE 打氣加油Party」活動，嘉欣坦言人的一生都在學習，平時拍劇都如考試般，她說：「有時角色捉唔到，收視唔好就好似考試考得唔好咁，但係勤力就有出頭天！」她又笑言小時候數學成績差，有一次溫書無法入腦，就不斷「扭計」打枕頭！問她感情上有否遇過壓力而喊？她說：「好彩冇！（為感情喊？）反而係擔心，怕嗰個人受傷而喊！（佢（男友伍允龍）成日受傷喎！）你哋諗多咗啦！」
黃美棋面紅講結婚
而黃美棋稱當年會考考獲雙位數字的分數，升讀中六後便赴美國修讀商科，她笑言希望做女強人。問她現時是否準備做幸福小女人？她臉紅笑說：「未到結婚都唔會諗喎！（有人選？）我都有人追o架！（咁男友（緋聞男友鍾健威）咪唔放心？）唔知喎！要問番佢！」
黃美棋不理追求者是否富二代，而若做其男友就要有信心。
胡鴻鈞（左起）與鍾嘉欣等在現場大玩遊戲。
鄭俊弘粉絲眾多。
鄭俊弘否認做一哥
至於在加拿大長大的鄭俊弘笑謂脫離中學階段已12年，問他有否後悔沒有繼續升學？他直言：「都有，如果讀番書可能讀音樂或戲劇！」正忙於錄新歌、出碟的他被問到成為星夢娛樂第一位出碟的歌手，是否成為「一哥」時，他尷尬說：「唔知喎！（做咗一哥？）唔係！許廷鏗同胡鴻鈞都錄緊！（佢哋讓路畀你？）唔係！咁啱啫！」而同場的Kawaii透露打算投資六位數在馬來西亞開港式糖水店，更笑言有想過在當地找男友，因在港找了多年也未找到「心水」。
from:
http://orientaldaily.on.c ... /00282_047.html
