單親媽咪楊思琦帶著年老的母親和兩歲囡囡Krystal楊卓穎，步步為營，一方面希望賺取更多的錢養家，另一方面又要平衡家庭生活，希望抽取更多時間陪伴女兒成長。
離巢無線之後，楊思琦得到不少工作機會，最新消息指楊思琦落實拍攝內地一套電影《午夜蝙蝠》，擔任其中一個女主角，並於今年九月開拍。楊思琦接受電話訪問時說：「係呀！最新接到呢部電影，會拍兩個月，價錢好理想，好滿意。之前就係上去四川做咗個新聞發佈會。」思琦透露新戲還有跟不少前輩合作，包括梁小龍、林威、鄭佩佩、邵音音和馬玉成導演，曾志偉則是該電影的總策劃。
楊思琦勇字當頭，終於闖出一條生路，9月在四川開拍電影《午夜蝙蝠》，是女主角之一。
為了母親和愛女楊卓穎，思琦要努力賺奶粉錢和家用，照顧家人。
唔請經理人
稍後離港到四川拍攝外景個多月，楊思琦可會擔心女兒Krystal？她說：「都唔會太擔心，有我媽咪照顧，我好放心，不過11月拍完，我都希望年尾可以喺香港接多啲活動，始終自己地方，近啲方便啲，可以陪到屋企人。」接拍電影之外，還有電視台找思琦做主持，她心存感激，不過她希望每行一步都小心謹慎：「暫時未有打算請經理人，好多嘢都想瞭解嚇先，以前都係公司安排，俾人照顧，𠵱家起碼學識自己處理，瞭解每個工作性質，因為咁樣我更加瞭解自己，知道自己嘅需要，把握到更多機會。」
from:
http://hk.apple.nextmedia ... 140525/18731528
