上個禮拜六（五月十七日）朱玲玲孖住老公羅康瑞，一齊出席《2014慧妍雅集慈善晚會》，提到已經八個月大嘅孫仔霍中曦，朱玲玲即刻笑到腰果眼，大讚BB又乖又易湊，仲話囝囝霍啟剛、同新抱仔郭晶晶湊小朋友比佢叻，唔使佢呢個做嫲嫲嘅擔心。
手湊孫，早排朱玲玲趁老公得閒，行中環ifc連卡佛二人世界。雖然兩個年紀有番咁上下，朱玲玲56，羅康瑞66，但出街拍拖，「最美麗嫲嫲」朱玲玲依然好小鳥依人，去到邊都繑實羅康瑞，又會借啲意挨落老公膊頭，分分鐘甜蜜過啟剛同晶晶。
睇衫兼睇傢俬，朱玲玲仲會撒嬌，挨落羅康瑞膊頭。
上個禮拜朱玲玲幫慧妍雅集搞慈善活動，羅康瑞到場撐老婆，仲十指緊扣俾記者影相。
朱玲玲雖然有孫萬事足，但佢都開到口，希望啟剛同晶晶再造人，生番個孫女俾佢湊。
