榮升「最美麗嫲嫲」嘅朱玲玲噚日同歷屆港姐向海嵐、劉倩婷、王愛倫、莫可欣等到又一城出席「TES2013德國創遊樂」頒獎禮，平時朱玲玲熱愛影相，佢話幫乖孫影相時特別冧，唔知會唔會幫孫仔出相集呢？佢笑笑口話：「BB成日瞓覺，好多相都係瞌埋眼。但如果出相集，啟剛一定第一個反對，因為佢唔想BB相喺網上流傳，覺得都係私人啲好。」
朱玲玲提起孫仔即現冧樣，笑口常開。
唔急飲新抱茶
朱玲玲話BB未必會跟族譜改名，暫時都係叫Baby，佢透露郭晶晶餵人奶，所以瘦得好快，朱玲玲話：「Baby好似媽咪，啟剛做咗人爸爸後有責任感咗好多，好多事都好緊張，我老嘞，個個都大。」
話晒係霍家第一粒孫，唔知百日宴會唔會大搞？朱玲玲話：「未決定，上次搞結婚太辛苦，好多工夫，所以都未必會。」佢亦唔心急再飲新抱茶，話啟山同啟人𠵱家要專注事業。
榮升「最美麗嫲嫲」嘅朱玲玲噚日同歷屆港姐向海嵐、劉倩婷、王愛倫、莫可欣等到又一城出席「TES2013德國創遊樂」頒獎禮，平時朱玲玲熱愛影相，佢話幫乖孫影相時特別冧，唔知會唔會幫孫仔出相集呢？佢笑笑口話：「BB成日瞓覺，好多相都係瞌埋眼。但如果出相集，啟剛一定第一個反對，因為佢唔想BB相喺網上流傳，覺得都係私人啲好。」
唔急飲新抱茶
朱玲玲話BB未必會跟族譜改名，暫時都係叫Baby，佢透露郭晶晶餵人奶，所以瘦得好快，朱玲玲話：「Baby好似媽咪，啟剛做咗人爸爸後有責任感咗好多，好多事都好緊張，我老嘞，個個都大。」
話晒係霍家第一粒孫，唔知百日宴會唔會大搞？朱玲玲話：「未決定，上次搞結婚太辛苦，好多工夫，所以都未必會。」佢亦唔心急再飲新抱茶，話啟山同啟人𠵱家要專注事業。
霍啟剛同郭晶晶嘅愛情結晶品仲未改名，而霍家亦仲未決定會否擺百日宴。
歷屆港姐（左起）向海嵐、王愛倫同莫可欣噚日出席頒獎禮活動。
另外，啱啱同老公李丞責去完意大利、英國旅行返港嘅劉倩婷，被問有冇留意出爐港姐冠軍陳凱琳講一人一票選港姐，伸延嘅政治風波？佢話唔太清楚，但就好贊同曾志偉話港姐唔應該參與太多政治話題，問係咪俾新聞部擺上枱，佢就話：「唔係，當年我選完都有接受新聞部訪問，點答係一個方式，都唔一定要畀個人意見。」不過佢都好開心今屆冠軍同自己一樣生得咁嬌小，令佢有個伴。
from:
http://hk.apple.nextmedia ... 130906/18410907
