早排司馬燕接受訪問，提到二月同老公吳忠義去荷蘭補行婚禮期間，因為突然腰痛，被迫取消餘下行程返香港，仲要一落機就入醫院做咗兩次手術，以為癌病重臨，好在只係尿管生咗個纖維瘤。
抗癌成功，但身體依然虛弱嘅司馬燕，聽講大班朋友叫佢去溫哥華、荷蘭、日本等地旅行，但為免操勞過度，加上增肥尚未成功，司馬燕唯有放朋友飛機。
上個禮拜三（五月十四日），留港養病嘅司馬燕，同朋友一齊行ifc，兩個繑住手，時裝、胸圍底褲乜都睇一餐，其間，諗住到樓上繼續shopping，點知電梯壞咗。俾著其他人，可能會兜路行去搭升降機，但司馬燕冇咁做，反而一級一級自己慢慢行上去。平日會游水練氣功養生，司馬燕身體果然好番好多。
係女人都鍾意shopping，司馬燕亦唔例外，見到靚衫逐件睇真啲。
去到內衣店，司馬燕同朋友睇咗陣內褲，但最終冇幫襯。
到樓上繼續shopping，點知電梯壞咗，司馬燕唔怕辛苦，慢慢一級一級行上去。
原本朋友約司馬燕出門旅行，因為要養病被迫爽約，留港同朋友行街玩嚇電話，其實一樣咁開心。
抗癌成功，今年年初司馬燕同老公吳忠義到荷蘭補辦婚禮之餘，仲同兩個囝囝一齊影全家福。
