李子雄2007年移居北京之後，開展賺人民幣的藝人生活，在2010年他跟被稱為「回族第一美女」的內地女演員王雅琦結婚。兩年前，李子雄回歸香港電視圈，觀眾又再次可以在電視營幕見到李子雄，不過他已經由一頭濃密黑髮變成禿髮，拍劇還要帶頭套。
前晚李子雄在新城電台接受訪問，提到早年在北京的生活時，他說：「頭兩年上內地發展，講真真係好唔習慣，由於兩地文化同生活節奏唔同，要花時間磨合。香港人同內地人嘅生活、工作方式完全唔同，冇咁多默契，初初嗰時好難融入。𠵱家已經習慣咗北京嘅生活模式，加上喺香港已經冇車冇物業，所以返嚟都係住酒店，𠵱家返嚟好似旅遊，買嚇日用品，周圍購物。」談到7年前北上掘金，他說：「應該要再早啲去，我只係算第二批，除咗賺錢之外，內地嘅發展空間都大啲，香港機會唔多。」
李子雄在內地開工，太太王雅琦不時陪伴在側。微博圖片
「一台獨大唔係好事」
雖然李子雄為無線拍劇，但對電視行業發展仍然保持中立，他說：「希望有唔同平台俾觀眾選擇，同時亦多啲機會俾演員發展。我雖然有幫無線拍劇，但一台獨大唔係好事，亞視又唔可以續牌，對觀眾、演員都唔好。」
採訪、攝影：張俊銘
from:
http://hk.apple.nextmedia ... 150418/19116333
