藝人苟芸慧（苟姑娘）被指向郭富城經理人小美施冧功，有望入城，昨日前城嫂熊黛林（Lynn）連放三聲冷笑，寸爆苟招說：「冧掂好勁嘅咩？」揚言一早已放低舊情。
熊黛林昨日冷笑三聲，回應城城與苟姑娘的緋聞。
Lynn與城城去年敵不過七年之癢分手收場，之後Lynn感情一直真空，但城城卻與緋聞女友苟姑娘高調地結伴出席活動，還將兩人活動照片放上網，近日小美又帶苟姑娘去推拿，明顯盡得小美心，被指有望入城。昨日Lynn一身密實打扮現身藝術展酒會，對苟姑娘出招冧小美，她冷笑三聲說：「冧掂好勁嘅咩？人哋嘅嘢唔方便評論，希望每個人都搵到自己鍾意嘅人，（佢好有手段？）確實冇聽過佢嘅嘢，身邊冇人講佢，冇呢方面資訊，（埋到小美就埋到城城？）鍾意就好，最緊要自己開心。（大家唔再提佢嘅嘢你就開心？）唔係提唔提，係冇所謂，成件事過去，冇乜影響，多謝大家關心，想重新過生活，過期望嘅生活！」問到對城城的感覺時，她停頓五秒，繼續以朋友稱呼對方：「當我想識新戀情時，已經放低好耐，已經準備好耐，只係冇啫。」自言並非記仇的人，會祝福每個人。
娜姐胸前離罩
同場的周秀娜穿上一襲白色透視裙，胸前離奇離罩，她聞言即刻挺胸並拋下金句：「做人最緊要挺胸收腹！」由於活動在泳池邊舉行，揚言想游水曬太陽，過品味生活，曾學畫畫的她，畫過一幅小周秀娜叼住雪茄的自畫像，她大講鹹濕笑話：「雪茄畫送咗畀媽咪，佢放咗喺廁所，話重口味喎，因為話我叼住咁大支雪茄。」
文詠珊昨晚自行上載Bra top照，露Bra原來早有預謀。
至於姍姍來遲的文詠珊則穿上露腰裝，其稍露黑bra與娜姐互鬥性感，對於有傳簽新公司做一姐，她稱完全不認識該公司，對於未來動向，她說與黎明有溝通，又很感激對方。
娜姐百密一疏，人前離罩。
from:
http://orientaldaily.on.c ... /00282_020.html
