早排被天后容祖兒公開教訓嘅杜汶澤，事後承認自己講多咗，自此，無論見到記者又好，响自己飛卜私人平台都好，只談工作、老婆同隻貓MoMo，連之前強國人發起五•一攻港大便熱話，佢半句都冇搭口，免得俾大陸封殺佢嘅事件再升級。
終於知驚？點會咁易！早排《壹》仔見到阿澤同女助手企喺中環等車，見到Lam仔林德信企正對面馬路，阿澤助手即刻熱情揮手招呼，身邊阿澤就用眼尾瞄一瞄，繼續篤電話，當咩都見唔到。
天后發爛就公開道歉，見到後輩就扮睇唔到，學蘇錦樑話齋：包容
吓啦！
女助手同對面馬路嘅林德信揮手打招呼，阿澤繼續篤電話扮睇唔到。
早排人人講緊強國人大便熱話，但同太太飛咗去意大利出席烏甸尼電影節嘅阿澤，提都唔提，只係公開同曾經反過面嘅吳君如，一齊歎意大利菜嘅相片。
撰文︰八珍
