十個男人九個鍾意車，有能力嘅，換車當換衫，再大癮啲，一個人幾架車，甚至將興趣變成投資，例如郭富城同隔籬嘅沈嘉偉。近朱者赤，同城城沈老闆好friend嘅張智霖，一樣鍾意四個轆大玩具。上星期四（五月一日）下午三點，佢將架Benz CLA45擺低喺中環雪廠街大半個鐘，再入咗附近嘅I.T買衫。
即係咁，嗰度係7:00am-7:00pm，唔泊得車，有司機喺車停一陣，都可以搏吓大霧，Chilam放低架車行開，隨時會收牛肉乾。
不過Chilam時運高，買完衫返去攞車，乜事都冇。命水嘅嘢，就係咁！
I.T職員親自送出門口，時運高冇俾差人送牛肉乾嘅Chilam，傾多幾句先開車走。
呢架Benz CLA45，舊年十一月先落地，車價八十三萬，對Chilam嚟講，粗嘢啫！
撰文︰八珍
