徐濠縈前晚出席生日派對，透露早前因病取消個唱的老公陳奕迅（Eason）已退燒，但踢爆他扁桃腺早已有事，為了老公的健康，她更化身做「常哦」力勸老公戒煙，卻被Eason鬧番轉頭！
徐濠縈爆老公扁桃腺有事，但不聽她勸告戒煙。
徐濠縈、文詠珊（JM）、周麗淇、吳雨霏、陳敏之、林德信、傅明憲、薛芷倫（Fanny）等前晚一同出席徐濠縈經理人兼著名公關鄭紹康的生日派對，提到陳奕迅（Eason）早前因病取消個唱，阿徐說：「Eason好病，依家退咗燒，呢個星期嘅騷佢應該OK。（母親節唔可以一齊慶祝？）我咪同個女、媽咪、奶奶一齊慶祝，唔緊要啦，日日都係母親節。」她謂上次與Eason去英國時，老公發高燒上不到機，結果要延期，她說：「佢係扁桃腺有事，不過佢個人係全力以赴，點都要死上台。（會唔會放個長假？）keep住都有放吓假，農曆年都有。（佢食番煙？）係啦，我已經講到佢會鬧番我轉頭，所以我話佢飲食習慣要好啲，如果唔係就應付唔到佢咁多工作量。」
JM恭喜Baby快嫁人
JM透露近期主力忙私事，亦已收下多個劇本：「其中有個好鍾意，應該會9月開拍，係個好感人嘅故事，關於家庭，角色我從來冇演過，係一個挑戰。」提到有傳好友Angelababy明年結婚，JM說：「恭喜，如果係真嘅話就非常之開心，我未text佢，唔想咁八卦。（佢想生BB？）女仔點都希望有個家，但如果問我就搏殺下先，趁自己後生。」
陳奕迅：老婆你做咩爆我啲衰嘢？（設計對白／資料圖片）
JM透露擇偶條件首先要睇感覺、傾得埋及要有上進心。
搞手之一的薛芷倫為鄭紹康搞生日派對。
周麗淇
薛芷倫稱抗癌成功
此外，Fanny透露剛接受患癌5年後的全身大檢查：「好開心係Clean，即係我身體完全冇晒癌細胞，放心咗，但都要食藥，醫生話啲藥愈食得耐愈安全。（有冇副作用？）適應咗，副作用係水腫同好易攰。」傅明憲被問到前夫葉劍波有新女伴一事，她表示已說過祝福對方，彼此有聯絡，但其他不便回應。
