彭浩翔走出語言限制，引爆其他笑點。
攝影：陳志嵐
彭浩翔導演的新作《撒嬌女人最好命》為電影重新定義，原來看戲可以學兩地俚語「騷浪賤」、「綠茶婊」，當中周迅提到的「雞雞」簡直可以媲美林志玲當日所講的「咪咪」。從當年拍港片《大丈夫》、《破事兒》到合拍電影《春嬌與志明》，今日的《撒嬌》已是純內地片。
彭浩翔日前接受專訪時表示不擔心香港觀眾會看不明白，他說：「點解睇美劇可以睇得咁開心，睇《老友記》（Friends）又識笑，我唔信今次套片大家會唔明。事實都證明就算電影語言離開廣東語系，香港人都識笑。」他說以前開始，喜劇的笑點都以食字gag為賣點：「所以今次《撒嬌》唔會係押晒落去verbal（語言）度，台灣『Hold住姐』謝依霖喺戲裏面起咗好大作用，同埋好多小道具好似戲裏面我哋叫做『血滴子』嘅乳貼，出嚟笑位嘅效果仲出奇咁好。」
彭浩翔這次找來一大班女演員，撒嬌鬥戲。
資料圖片
隋棠最叻
製作一部純內地片對彭浩翔完全沒有包袱，他說：「真心覺得拍國產片對我嚟講係冇困擾，同我𠵱家寫緊英文劇本都一樣。戲劇嘅結構唔應該只係一個國家睇得明。」今次電影主題以撒嬌為名，台灣女孩以嬌嗲馳名於世，竟給彭浩翔遇到隋棠，他說：「佢試鏡嘅時候同我講，自己好男仔頭唔識撒嬌，當我同第二位女演員見面嘅時候，佢忽然返轉頭仲買咗我話好想試嘅餅返嚟畀我，呢啲就係『主動的被動』。事實電影亦都證明隋棠好叻撒嬌，佢喺戲裏面啲叠字『兔兔』、叫黃曉明做『恭恭』，我暫時都諗唔到邊個可以好過佢。」
撰文：何永寧
from:
http://hk.apple.nextmedia ... 150104/18990318
