吳千語昨日在尖沙咀，出席i.t時裝活動，大會搞噱頭，找了扮林峯的小男童獻花送吻，不過「小峯峯」怕羞不肯出場，千語BB慘食檸檬。記者笑言有否遇過同類檸檬事件，她表示：「鍾意同小朋友玩，之前去南非同小朋友玩得開心。」現場見千語身形超瘦，她表示：「肥番，對腳有少少肉，想增5至6磅，𠵱家未夠100磅，想睇落健康啲，冇節食，冇運動，唔知乜嘢原因瘦，睇我肥瘦冇標準，睇佢就會知道。」記者笑她指男友肥：「佢係重咗，進行緊瘦身計劃，我食晒啲嘢，獨食難肥。」早前被指跟得女友去探班，她表示：「係三哥（指苗僑偉）叫去，同佢哋唔熟，尷尬，本來唔想去，但三哥打電話話一定要嚟。本身冇諗住去，阿佘（佘詩曼）又叫我。」千語自言不算黐身，她表示：「我唔黐，佢都唔係，完全唔理大家唔合理，會一齊去朋友活動。」
from:
http://hk.apple.nextmedia ... 140509/18713735
