諸葛紫岐（Marie）和Neway二太子薛嘉麟，三個月前誕下暱稱「冰岐麟」的B仔Arthur，新任媽咪Marie坦言，生B百日以來，自覺變成超級緊張大師，甚至情緒狂躁，先後極速解僱陪月和看護。現時BB改由兩名心腹外傭日夜輪班照顧，加埋web cam廿四小時全天候監察，湊B嚴陣以待，Marie連自己都懷疑自己患上「產後強迫症」。
雖然傾盡全力想給「冰岐麟」事事最好，但Marie產後卻因奶水不足，要改餵奶粉，她自責說：「我個心好內疚，好似對BB唔住咁！」就連老爺、奶奶同老公都勸Marie「放鬆啲啦」。
生B後視囝囝如一切的Marie，變超級緊張大師，更有自己一套育兒方案，半點也不敢鬆懈。
過分緊張諸葛紫岐（Marie）為薛嘉麟誕下囝囝「冰岐麟」Arthur，不經不覺已三個多月，更在本周日（十六日）擺下「百日宴」大宴親朋。Arthur是薛家第一個孫，「金笸籮」地位自然非同小可；不過，老爺、奶奶、老公愛錫Arthur之心尤不及Marie，因為那是與生俱來的母性，她坦言對BB過分緊張：「老爺、奶奶、老公都比較忙，佢哋反而唔似我咁緊張，加上我老公兄妹三個仔女，以前都係交畀工人、婆婆、嫲嫲湊大，所以老爺同奶奶成日話細路仔順其自然會大o架啦，猛叫我放鬆啲。」
Marie夫婦先行到場打點，小主人翁Arthur則由工人抱住並由媽咪Marie（紅裙）傍實，由特別通道進場。
Arthur一百日大重達十七磅，精靈可愛；樣子同爸爸餅印一樣的他，牙牙學語還隱約識嗌「MaMa」。
