鍾麗緹（Christy）03年由香港搬到北京定居，一轉眼就已經是十個年頭了。大女兒嚴書琴今年十六歲，還有兩個小千金分別是五歲的嚴子晴和四歲的嚴紫凝。早前內地電視節目《爸爸去哪兒》熱播，最近浙江衞視乘勝追擊，推出《人生第一次》，鍾麗緹和兩名小女兒在節目裏真情演出，感動不少觀眾。到底香港人心目中的「美人魚」，在北京的生活是怎樣的呢？
筆者今次與Christy在北京會面，當然要敍敍舊，暢所欲言啦！
鍾麗緹一年也會返港數次，然而總不及和她在北京碰面親切，她說：「大女喺加拿大Montreal出世，佢始終覺得住香港比較方便。二女喺香港出世，最細嗰個就北京出世，住喺邊度佢哋都冇乜所謂。」不經不覺，原來大女已踏入拍拖的年紀，「佢拍咗拖一年啦，個男朋友都好純品，一齊做下功課。個女乜都同我傾。」Christy自言對《人生第一次》這節目有很高期望：「《爸爸去哪兒》玩味比較重，而《人生第一次》比較感性，有好多環節我同兩個女都冇經歷過，觀眾同我們自己睇咗之後都好感動！」
Christy是百分百好媽媽，一個女人在北京獨力撫養三個女兒，少點魄力和毅力也不能，實在令人敬佩。「我同我三個女都好坦白，佢哋明白到點解爹哋同媽咪分開，前夫都有嚟探佢哋。」鍾麗緹有樂天性格，看她早前和三個女到三亞旅行的照片，也蠻開心的。「我一有時間就帶佢哋去旅行，呢個禮拜就淨係帶大女去一個冇乜人、好靜嘅海邊過周末，尋找心靈上嘅溝通。大女明年就出國讀書，佢仲未決定讀咩科。」
Christy是1993年國際華裔小姐冠軍，當年的亞軍是李克勤太太盧淑儀。年過四十的Christy依然保養非常得宜，熱愛做運動並和女兒一同學潛水，閒時更會在家裏一起看運動錄影帶keep fit。
當唐文龍已回流香港發展，陳曉東和溫兆倫繼續在內地拼搏，方力申仍在打算時，原來鍾麗緹已經準備就緒，看來回流香港都只是看準時機等一個機會而已：「其實一直都有好多人搵我拍戲，但都係走性感路線。當年離開香港，就係唔想俾人定型行性感。依家搵『人仔』當然開心啲，其實我喺國內有好多工作，只係香港人未必見到我拍嘅劇。國內嘅同事都叫我做『雅姐』，我成日覺得自己應該叫做『鍾麗雅』，有機會我就喺微博同大家宣布呢件事。」其實許多香港人也很掛念鍾麗緹，一代女神今天變成強悍獨立的單親媽媽，同樣令人欣賞。
早前鍾麗緹與三個女兒到海南島三亞旅行「充電」。其中與第一任丈夫所生的女兒書琴已長得亭亭玉立，兩母女合照猶如兩姊妹。
鍾麗緹與身為音樂人的第二任丈夫嚴振翔誕下紫凝和子晴。離婚後，女兒們一直由鍾照顧，感情要好。
早前，鍾麗緹拍攝《人生第一次》，紫凝和子晴兩女兒亦有上鏡，還孝順地為母親洗腳，令鍾麗緹十分感動。
鄭紹康（Francis），天機公關行政總裁，每年主理逾200個中港項目，接觸最新時尚品牌潮流資訊。為多份報章雜誌的專欄作家，兼和徐濠縈黃偉文合組經理人公司。
