現年82歲的黃夏蕙活躍於娛圈，日前才為本於今晚在北角新光舉行的「夏蕙BB之絕密檔案」晚會谷宣傳，但她前晚身體不適，嘔吐大作及頭暈，要叫救護車急送灣仔律敦治醫院留院，昨還一度誤傳她的死訊，認真大吉利是。夏蕙BB的經理人Simon昨午在醫院受訪，澄清夏蕙BB未死及展示她的病照。
相中夏蕙BB換上公立醫院的病人服，頭髮蓬鬆兼一臉憔悴，未知是否前晚臨時入院，濃妝仍殘留臉上，閉上眼的她手背插了吊鹽水的針嘴，另外有些相片中，她已落妝及脫下口罩昏睡。夏蕙BB昨仍要留院，事緣她本周一曾返深圳取登台服，並曾吃雞，回港即發燒，Simon一度擔心她疑似禽流感或中風。
取消所有演出
Simon昨澄清夏蕙BB死訊：「冇生命危險，佢冇咁牙尖嘴利啫，講嘢有氣冇力，只講到單字。」排除中風可能？Simon說：「我冇郁過佢，只係同佢傾偈，佢屋企人潘生（潘炳烈）同囡囡噚晚嚟過。」Simon暗示有親友硬闖探病，令他感到不滿。昨晚Simon再在電話中說：「夏蕙姨證實唔係禽流感，已經退咗燒，病情穩定咗，轉埋病房，佢𠵱家講到嘢，但要吊鹽水，醫生未批准佢出院。」至於三場騷？Simon說：「全部取消，稍後會公佈退票同賠償。」
此外，跟夏蕙BB反面的白韻琹昨獲悉對方留院，白姐姐即冰釋前釋，她昨在電話說：「我之前嬲黃夏蕙成日亂噏，佢其後有打電話嚟道歉，我cut佢線。聽到佢病，我都關心佢，不過我都唔係好擔心，因為佢意志力好強。」
採訪：卓寶花、比華利
黃夏蕙疑禽流感入院
黃夏蕙前晚突然嘔吐及暈倒，被送往灣仔律敦治醫院留院觀察，期間更有傳出死訊，其經理人Simon作出否認，透露夏蕙姨已甦醒，因驗身報告未出而未能了解詳細情況。提到夏蕙姨的病徵跟中風相似，他指「未見過佢咁殘」，更表示夏蕙姨日前曾到訪深圳，如果確診感染禽流感，將會轉往隔離病房。而今晚起一連三晚夏蕙姨在新光戲院的表演將會取消。
黃夏蕙
