唔少圈中人都喜愛夜蒲，噚日凌晨點幾鐘，文詠珊（Janice Man）同朋友去咗蘭桂坊Volar消遣，玩到大約三點九，醉醉哋嘅JM同一男一女朋友一齊離開。
爆樽鬧人
JM嘅女友人（左）掛住保護佢，搞到自己O晒腳冇儀態。
行落斜路時，JM全程耷晒頭，由着住熱褲嘅女朋友扶住行，兩人一度行入橫街密斟，出嚟時熱褲女發現有記者影相，邊行邊攞個手袋遮住JM塊面，搞到自己O晒腳冇晒儀態。
佢兩個一度想撇甩記者，兜咗去蘭桂坊大廈嗰邊但唔成事，熱褲女即情緒激動，猛鬧記者：「唔好再跟！唔好再跟！」講完仲隨手攞個玻璃樽就爆記者，阻住記者追JM，雖然場面咁激，但JM一路冇出過聲，乘機返上去dragon-i門口搭的士。熱褲女爆完樽雞咁腳追埋上去，醉到冇出過聲嘅JM上咗的士後，即刻質個頭埋去熱褲女身後，熱褲女就繼續拍打玻璃鬧記者。JM有咁識保護佢嘅朋友，真幸福！
採訪、攝影：吳耀輝、潘冠恩、楊浩賢
【貓到耷頭】 DV圖片
熱褲女爆完樽後，即上的士繼續保護JM（右）。
from:
http://hk.apple.nextmedia ... 131201/18531278
