阿倫譚詠麟出口幫走音牧師

1^# 大中小 young 發表於 2013-12-3 17:35 發短消息

相關主題: 譚詠麟

梅艷芳今年逝世十周年，「梅艷芳四海一心慈善基金」和「芳心薈」在西九龍中心合辦紀念展，昨日揭幕，阿梅生前好友譚詠麟和梅媽覃美金均有出席。對於張學友搞紀念阿梅演唱會，梅媽坦言：「佢哋有通知我，好多謝佢哋，學友搞，我好放心，啲錢一定可以做到善事，好過個國際歌迷會，唔知做咗啲乜嘢。」說罷忍不住嗚咽。而梅媽見到一班小朋友跳舞即勾起回憶，她說：「諗起阿梅細個跳舞嘅片段。」

大會安排牧師鄭守定帶領獻唱阿倫和阿梅的歌，鄭牧師唱到走晒音，阿倫出口相助，並在台上笑言：「天父係唔會怪你嘅。」阿倫正忙綵排演唱會，也抽空出席，他說：「同阿梅係兄弟，睇番佢啲嘢，只覺佢風采無人能及。」
from:http://hk.apple.nextmedia ... 131202/18532392

廷伸閱讀/相關主題推介:

相關主題:譚詠麟

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-7-14 20:47 發短消息

阿倫孖阿叻睇波杯麵頂肚

身在巴西睇世界盃的譚詠麟（阿倫）及好友陳百祥（阿叻），昨日凌晨又在微博出動，阿倫上載與阿叻齊齊食杯麵照片，並留言：「看着看着，吃着吃着，輕舟又過萬重山。」至於身為荷蘭粉絲的阿叻，未知是否知道愛隊能夠奪得季軍，似乎心情和食欲也不錯！

阿叻、阿倫
From:http://orientaldaily.on.c ... /00282_007.html

TOP

3^# 大中小 young 發表於 2014-11-20 10:45 發短消息

阿倫出自傳賀40周年

阿倫表示新碟在維也納錄音，製作費不菲。

譚詠麟昨日到商台宣傳明年2月舉行的入行40周年演唱會，他表示更會推出自傳，以口述形式他人執筆細訴入行40年，內容真實性很高，他說：「都未試過做訪問做咗六日，花咗近80個鐘頭，大部份講工作，又要搵番舊相。」

自傳中會提及私事，至於會否有家庭照，阿倫指當然有，還反問是否指他兒時照片，當講到是現時家庭照，他說：「梗係冇、梗係唔會有。」又有身邊好友執筆講述對他的感受。談到稍後推出的新碟是在維也納錄音，邀請了兩隊全世界最好的管弦樂隊合作伴奏，製作資金龐大，未計後期差不多花了二百萬，但他自言物有所值。

採訪、攝影：馬建華
from:http://hk.apple.nextmedia ... 141118/18938413

TOP

4^# 大中小 young 發表於 2014-12-5 20:28 發短消息

阿倫彈劈歌太扮嘢

譚詠麟大前日在廣州出席分享會，大彈內地歌唱真人騷。微博圖片
樂壇校長譚詠麟（阿倫）為慶祝入行40周年，將於明年2月假紅館舉行8場「銀河歲月40載」演唱會，每場各請到一位重量級嘉賓助陣，包括有陳奕迅、李克勤、劉德華、張學友、孫楠、杜麗莎、陳慧嫻和陳慧琳，天王天后齊齊拱照撐場，阿倫夠晒面子。

此外，大前日阿倫到廣州出席分享會，提到內地歌唱真人騷，很多參賽歌手刻意飆高音晒唱功，阿倫批評：「純粹展示技巧嘅唱法，呢種係『劈』歌，唔係歌手應該追求嘅嘢，自己唱咗40年，經典好歌都係娓娓道來，唔需要歇斯底里嘅表情。」G.E.M.在《我是歌手2》最愛飆高音，阿倫此言不知是否想袋錢落G.E.M.袋呢？

撰文：皓騫
from:http://hk.apple.nextmedia ... 141202/18954393

TOP

5^# 大中小 young 發表於 2014-12-9 11:23 發短消息

阿倫收馬鞭無意減肥

葉偉忠（左）送了一條馬鞭給阿倫，希望他鞭策自己減肥。

譚詠麟（阿倫）昨日在中環出席「銀河歲月40載演唱會2015」記者會，即場演唱了兩首歌，藝能公司老闆葉偉忠送了一條馬鞭給他，希望阿倫鞭策自己，回復入行時的身形。不過阿倫似乎無意減肥，他說：「冇目標，太瘦都孭唔起件衫啦！入行嗰時太奀嫋鬼命。」

問到兒子曉風會否捧場？阿倫謂：「讀書緊要，外國邊有農曆年假放㗎。」對於樂壇頒獎禮欠巨星撐場認受性遭到質疑，甚至有人提出取消頒獎禮，他說：「我自己唔攞就叫人取消，點可以講呢啲嘢。新人拎歌手獎可以當做一種鞭策。」

採訪、攝影：盧妹
from:http://hk.apple.nextmedia ... 141208/18961294

TOP

6^# 大中小 young 發表於 2014-12-17 10:51 發短消息

阿倫聽囝囝唱歌感動

譚詠麟（左）稱讚兒子曉風（小圖）唱歌好好聽。

譚詠麟（阿倫）日前接受商台節目主持梁泰來《1圈圈星光背後》訪問，宣傳明年2月在紅館舉行的紀念入行40周年的演唱會，阿倫談到兒子曉風早前在他60大壽高歌賀壽一事時說：「佢細個好鍾意聽我嘅歌，但大個咗就聽外國啲英文歌多，我第一次聽佢唱歌係喺我嘅生日party，佢同Mr.合唱《感動》，事前我一啲都唔知，真係好驚喜好感動，佢亦唱得好好。」

雖然身高6呎的曉風，有樣又有8級以上鋼琴造詣，不過阿倫無意讓兒子入行，他說：「佢冇興趣、志不在此，佢讀書成績好好，根本冇必要入娛樂圈。」阿倫亦證實兒子是高材生，正在英國繼續升學。

撰文：麥萍萍
from:http://hk.apple.nextmedia ... 141214/18968242

TOP

7^# 大中小 young 發表於 2014-12-19 16:24 發短消息

阿倫個唱現炒飛潮

譚詠麟演唱會反應熱烈，紅館外的告示（下圖）看到只餘中價門票。資料圖片
譚詠麟為紀念入行40周年，將於農曆年於紅館舉行12場演唱會，首8場門票除年卅晚（2月18日）尚餘中價飛有售，其他各場全部爆滿，加開的4場門票亦只餘中價飛有售，反應超好，甚至淘寶都出現炒飛潮，貴飛$680被喪炒至2,720人民幣，果然薑是老的辣。

至於曾被阿倫暗寸只識飆高音的G.E.M.，將於下月假紅館開5場騷，VIP門票更標價高達$1,880，較天后鄭秀文和楊千嬅的貴，被網民揶揄做「國際漿」的G.E.M.，只有尾二場門票爆滿，幸其他場次的VIP和$898貴飛都售罄，成績都算不錯。同樣1月開騷的楊千嬅，7場門票暫時只有平飛爆晒。

採訪：皓騫、馬建華
from:http://hk.apple.nextmedia ... 141218/18972715

TOP