前日就係一個城中富豪娶新抱，舉行世紀婚宴，頓成全城熱話，亦令不少港女中女釣金龜鬥心再度燃起，但係張暖雅噚日就喺網上，向姊姊妹妹淋咗成噸冷水。事關佢打了一篇好「敏感」嘅宣言，係同嫁入豪門有關。
嫁咗俾導演胡耀輝嘅張暖雅寫道：「其實誰不想可以不工作，嫁給條件很好的老公，住豪宅，出入有保鑣。真正做到的又有幾個人呢？以前在內地常有面貌姣好的女生問我，怎麼可以『嫁入豪門』？我也想，也嘗試過追求，但請相信我，其實人家那麼有錢，不是絕頂聰明，就是有絕頂智慧的家人，長路漫漫，相處很難。不如好好想想，你配得上豪門嗎？」
之後仲要加一句：「你配的(得)上豪門嗎？」到底呢番話是否因為某人有感而發，定係想講好耐嘅呢？
from:
http://hk.apple.nextmedia ... 131202/18533509
