內地女星張暖雅嘅裸照之前喺網上瘋傳，搞到喊晒報警，靜咗一輪，前晚突然喺微博自爆長期受騷擾，喪插舊愛嘅女友王小姐：「我不知我到底是殺了你爸媽還是強姦了你的男人？你對我如此深仇大恨，不惜不斷挑戰法律來引起我的注意。」
究竟王小姐做過啲乜得罪張暖雅？佢寫道：「當初你用盡卑劣的手段和我前男友偷情，趁我出埠之際去我家裏和我前男友魚水之歡之餘，並非法查看及盜取我的私人電腦信息，偷取我的個人重要文件。中間我好友曾經嘗試了解及勸解，但卻以要挾20萬元人民幣為由拒絕停止惡劣行徑。」
張暖雅老公胡耀輝都留言鬧爆：「我也在此警告這賤貨好收手了。」而張暖雅鬧完人後，好快收拾心情喺惠州登台，仲同女友人食消夜玩咀嘴㖭。噚日張暖雅喺電話度話：「呢個女人不時喺微博留言騷擾我，仲問我前男友攞20萬，男友話所有錢畀晒我，當日我哋拍拖，佢經濟唔好要破產，自己賣車賣樓湊埋約100萬畀佢。」守庫質疑佢講過自己出道時冇錢喎？張暖雅竟話：「房地產唔係現金。」同裸照事件有冇關？佢話：「唔關事，只係上網攻擊我，我都差啲變抑鬱，但朋友話我開心，唔需要睇醫生。」講到前後矛盾，畀佢吹脹。
場主：守庫
【內地登台】 微博圖片
微博圖片
from:
http://hk.apple.nextmedia ... 131111/18501956
