今年入圍嘅20位亞姐，噚日喺何文田玩保齡比拼宣傳，17號房星彤就以靚甫士攞咗「最優美姿勢大獎」，先拔頭籌。一班佳麗着短褲T恤騷長腿，點知搞到10號蔣文妮同20號何孟廸腳上嘅紋身騷晒出嚟，蔣文妮除咗腳有紋身之外，佢大方話背後都紋咗隻大象。點解咁狼去紋身，蔣文妮話啲紋身對佢好有義意，而何孟廸就手指同腳都有紋身，佢仲專登着襪遮住，佢話：「我喺外國長大，洛杉磯都好多人有紋身。」入咗圍嘅范玲因為身體問題退賽，𠵱家由18號周冷頂上，周冷唔介意執二攤，最梗要可以參加已經係一個機會。
亞視冇認可收視報告
另外之前嘅亞生冠軍鍾昊、亞軍余健深同季軍狄凱亞等，噚日亦喺尖沙嘴出席領獎活動，亞視高級副總裁葉家寶講番當晚節目只得一點收視，佢話佢哋冇加入收視調查，所以冇認可收視調查報告，更加無理會。講到無綫前晚台慶平均收視得29點，寸嘴嘅陳百祥（阿叻）避過跪返屋企一劫，葉家寶會唔會失望？佢話：「阿叻係超然，佢鍾意做乜唔鍾意做乜都可以，網民今次做咗好多嘢，但傳統力量好勁，係咪一個網代表好多人嘅意見？今次睇就係做唔到啲乜。」冠軍鍾昊對於收視得一點，佢話唔想發表意見。
10號莊文妮落場打保齡時有板有眼，但卻露出腳眼附近嘅紋身。
今年入圍嘅20位亞姐，噚日喺何文田玩保齡比拼宣傳，17號房星彤就以靚甫士攞咗「最優美姿勢大獎」，先拔頭籌。一班佳麗着短褲T恤騷長腿，點知搞到10號蔣文妮同20號何孟廸腳上嘅紋身騷晒出嚟，蔣文妮除咗腳有紋身之外，佢大方話背後都紋咗隻大象。點解咁狼去紋身，蔣文妮話啲紋身對佢好有義意，而何孟廸就手指同腳都有紋身，佢仲專登着襪遮住，佢話：「我喺外國長大，洛杉磯都好多人有紋身。」入咗圍嘅范玲因為身體問題退賽，𠵱家由18號周冷頂上，周冷唔介意執二攤，最梗要可以參加已經係一個機會。
亞視冇認可收視報告
另外之前嘅亞生冠軍鍾昊、亞軍余健深同季軍狄凱亞等，噚日亦喺尖沙嘴出席領獎活動，亞視高級副總裁葉家寶講番當晚節目只得一點收視，佢話佢哋冇加入收視調查，所以冇認可收視調查報告，更加無理會。講到無綫前晚台慶平均收視得29點，寸嘴嘅陳百祥（阿叻）避過跪返屋企一劫，葉家寶會唔會失望？佢話：「阿叻係超然，佢鍾意做乜唔鍾意做乜都可以，網民今次做咗好多嘢，但傳統力量好勁，係咪一個網代表好多人嘅意見？今次睇就係做唔到啲乜。」冠軍鍾昊對於收視得一點，佢話唔想發表意見。
有33吋上圍嘅17號房星彤，雖然着得密實，但睇頭十足。
20號何孟廸手指同腳都有紋身。
from:
http://hk.apple.nextmedia.com/entertainment/art/20131121/18516925
