周秀娜跟陳偉成拍拖6年分手收場，舊愛爆出醉酒床照風波。盧頌之（DaDa）與拍拖4年的男友甩拖，分手後患上暴食症。余曉彤（Hidy）與男友拍了年半拖，最後才知自己是小三！三個有樣有事業線的宅男女神，就算身為萬人迷，情路不一定順風順水，或者只能夠講句：上天好公平。
周秀娜和陳偉成分手後，，領略到感情是要經營的。
（左起）盧頌之、周秀娜和余曉彤雖然樣靚身材正，可惜對情路幫助不大。
「原來失去會咁傷心」
娜姐、DaDa和Hidy都有份拍攝卓韻芝執導的電影《爆3俏嬌娃》，戲中娜姐被Hidy搶了男友，與娜姐的現實感情十分近似，娜姐怕再觸及痛處迴避說：「都咁耐喇，我只可以講感情要經營，以前拍拖開心時，覺得有啲嘢唔會變，唔會諗分手係有幾傷心，經歷過兩個人相處，原來當失去時係會咁傷心。」其實娜姐戀愛經驗不多，只拍過兩次拖，但就經歷過心痛時刻，現時希望享受單身生活。
DaDa跟拍拖4年的男友分手，她面帶憂傷說：「拍過4次拖，呢次傷得最深，因為去到談婚論嫁，分手原因有好多，拍拖冇耐就一齊住，覺得傷心係冇咗段用心機時間經營嘅感情，放晒心落去，好hurt。」她自爆失戀後患上暴食症，體重升到110磅，現傷癒後，正努力減磅再戰娛樂圈。Hidy外表硬朗，但當面對愛情時，卻是何等脆弱，且情路坎坷，更無辜變了小三，她說：「𠵱家感情世界好複雜，同我講冇女友冇老婆，拍咗年半拖，後尾至知原來我至係小三。」
髮型：Daniel Cheng of Chin.G
化妝：Circle of ND&Co.
服裝：White Euphoria
陳偉成
周秀娜在《爆》片用腳鎖實拳王杜恆霖。
from:
http://hk.apple.nextmedia ... 131115/18508560
