Laura（中）提到被馬賽介入與汪子琦的關係，坦言有點不悅。
梁詠琪、吳千語、周汶錡及文詠珊（JM）等昨晚現身時代廣場，出席時裝名牌LV新店開幕活動，至於被馬賽介入與汪子琦同性關係的內地富婆Laura，昨晚亦低調現身。提到心情，她說：「I'm fine，過咗去，唔開心一定有！」問到馬賽日前在微博發表寬恕論，她即不悅說：「我覺得好ridiculous！我覺得寬恕兩粒字唔係佢講，歪理當真理！」
Laura表示已跟二人斷絕關係：「佢（馬賽）處心積慮，當初當佢朋友，估唔到佢咁樣，外表善良，唔係嗰件事。」問到知否汪、馬依然交往？她說：「唔想知佢哋啲嘢，一定唔係所謂承受壓力，可能去咗桃花源。」問到會否覺得馬賽貪錢？她說：「唔係我覺得，大家有眼睇！」汪子琦則在微博勉勵自己像太陽，要有自信，所有行星才會圍繞着轉。
梁詠琪否認懷孕
另外，梁詠琪面部皮膚呈紅敏感，問到是否有孕？她說：「唔係，我着咁高高踭鞋，美麗誤會！結咗婚都不設防，呢個年紀想快啲，身邊同學個個有BB，自己都有食偏方食療，自己唔急。」好友楊采妮可能爬頭先做媽咪？她笑說：「有就當然開心，我哋都未傾小朋友問題，我想李心潔有小朋友先。」
JM昨晚於銅鑼灣出席開幕活動，相當迷人。
梁詠琪表示婚後不設防，但未有好消息公佈。
周汶錡悉心打扮，令人眼前一亮。
from:
http://hk.apple.nextmedia ... 131130/18530112
